Янъы йыл байрамы алдында Кизляр районы Савлайроссиялык саваплык «Елка мырадлары» деген акциясына косылды. Район аькимбасы Аким Микиров, Депутатлар Йыйынынынъ председателининъ орынбасары Эльдар Кадилов эм Иса Курамагомедов оьз муниципалитетининъ саьбийлерине шынты
сыхыршылар болдылар. Эльдар Кадилов эм Иса Курамагомедов та саьбийлердинъ мыратлары язылган шарларын сайладылар. Соьйтип, Новомонастырское авылыннан 14 ясындагы Рабаданнынъ шабув йолы акында мырады тезден толаяк. Новокохановское авылыннан 15 ясындагы Алина искусственный елкасы акында мырат этти эм сол янъы йыл байрам белгисин ювык арада алаяк, сол савга оны коьп йыллар бойы суьйиндирип келеегине соьз йок.
Кизляр районында балаларга янъы йыллык эртегисин савкатлав бойынша аьлемет аьдети туьзилген. Дагестан Республикасынынъ муниципаллык
«Елка мырадлары» акциясы яслардынъ туьзилислеринде коьтергишлеви аркалы «Движение Первых» баславы ман яшавга шыгарылган. РФ Президенти
В.Путиннинъ баславы бойынша етинши кере озгарылады эм аьр бир уьйге суьйиниш аькеледи.
Э.Кожаева.