Халкымыздынъ маданият куллыкшылары!
Сизди кеспи байрамынъыз – Маданият куллыкшысынынъ куьни мен кутлаймыз.
Сизинъ ис аьрекетинъиз бизим аьр биримизге керекли эм маьнели. Сиз, бизим авыл клубларымыздынъ, китапханаларымыздынъ куллыкшылары болып, халкымыздынъ ян-коьнъил байлыкларын, аьдетлерин саклавшылар эм оьрлентуьвшилер эсабында аьдемлердинъ коьнъиллерин коьтересиз эм оларды
бирлестируьвге оьз ис уьлисинъизди косасыз. Сизинъ арканъыз бан яваплы социаллык ис аьрекети яшавга шыгарылады, тувган еримиздинъ аьлемет маданият-тарих, ана тилимиздинъ эм адабиатымыздынъ шеберлиги эм байлыгы сакланады эм оьрлентиледи, сиз йогары ортакдуныялык байлыкларды аьр
кимге еткермеге, миллет аьдетлерди беркитпеге шалысып куллык этесиз.
Сизинъ кеспиди байырлаганлар – олар яркын, куллыгына толысынша берилип, белсенлик пен аьрекет этетаган аьдемлер. Сиз баскалар тыншайган мезгилде куллык этесиз, аьдемлерге ян байлыгынъызды молшылык пан бересиз, ярасыклык пан аьллесуьв суьйинишин савкатлайсыз. Бизим маданият уьйлеринде, китапханаларда, музейлерде куллык этетаган баьрисине де каныгыслы эм аьдемлерге керекли ис аьрекетинде кыйын салганынъыз уьшин, яратувшылык йолында дайымлык излестируьв ислер озгарып, армаганда да маданият аьдетйорыкларын саклавга эм арттырувга аьзир болувынъыз уьшин ак юректен уьйкен разылыгымды билдиремиз.
Маданият тармагынынъ сыйлы куллыкшылары эм ис ветеранлары!
Быйыл – Россия халкларынынъ бирлик йылы эм сиз бу ягыннан тийисли шараларды уйгынлап озгарувда баьри куьшинъизди салаягынъызга сенемиз. Сизге исинъизде уьйкен кызыксынувды, таьвесилмес яратувшылык оьнерлигинъиз бен уьстинликлер казанувды йораймыз. Берк ден савлык, наьсип эм онъайлык сизге эм ювыкларынъызга!
«Ногайский район» МР администрациясынынъ аькимбасы Д.Эсиргепов.
«Ногайский район» МР Депутатлар йыйынынынъ председатели А.Менласанов.