Аьлиги заманда – янъы технологиялар яшавдынъ баьри тармакларына да киргенде, сапатлы интернет бек керекли зат болады. Юрий Гамзатов, Дагестан Республикасынынъ цифровой оьрленуьвининъ министри: «Биз Дагестаннынъ энъ де узак ерине дейим де сапатлы эм тезлиги болган интернет байланысын еткереекпиз», – деп билдирген агентство куллыкшысы ман хабарласувда. Дагестанда цифровой оьрленуьвди, аталык программалык канагатлавды эм яс несилдинъ цифровой билимин оьстирер уьшин, «Экономика данных» миллет проекти ишинде бек коьп кызыклы программалар яшавга киргизиледилер. Буьгуьнлерде биз яшавымызды интернетсиз коьрип болмаймыз, дегенимиз бен коьп аьдемлер муькир болаягына шекленмеймиз. Интернет аркалы врачка язылмага, ЖКХ буйымлары уьшин акшасын тоьлемеге эм сондай баска затларды толтырмага амалымыз бар, сол тувыл ма онъайлык деген. Солай ок, Юрий Гамзатов хабарласувда регионнынъ социаллык объектлери интернет байланысы ман, турист локацияларын байланыс пан эм кибермошенниклерге карсы турувды канагатлайтаганы акында да айтып кетти.