Россия Федерациядынъ Президенти В.В.Путиннинъ буйрыгы бойынша яшавга коркынышлы болган сынавларын оьтуьв аьллеринде аьскершилик борышын тол-тырувда коьрсеткен йигитлиги эм йигерлиги уьшин Кизляр район администрация сынынъ мобилизация иси бойынша ГО эм ЧС боьлигининъ етекшиси Степан Сви-ридович «За отвагу» медалине тийисли этилинди. Уллы Енъуьв куьниннен алдын
Дагестан Республикасынынъ аькимбасы Сергей Меликов СВО катнасувшыларды, аьскершилерди эм согыс урысларында баскаланган баска дагестанлыларды шатлыклы аьлде савгалады. «Элин, республикасын, аьелин коршалайтаган шынты аьскершилерди
оьз алдынъда коьрип, оларга Россия Федерациясынынъ, Дагестан Республикасынынъ савгаларын тапшырув суьйиндирмей де болмайды. Сонынъ уьшин де болар Сизинъ сыйынъызга Аталыктынъ коршалавшысынынъ йылы деп шакыртылганы да», – деди оьз соьзинде савга тапшырылган аьскершилерге Сергей Меликов. Айтып озайык, Степан
Свиридович согыс спецоперация юрген ерде бир йылдан артык Украина еринде согыс
урысларында Дагестаннынъ «Каспий» оьз ыхтыяры ман батальоны тизиминде ортак-
шылык эткен. Кызмет этуьв йыллары ишинде мергиннен алып батальон командирининъ
орынбасарына дейим йолын оьткен. РФ Коршалав министерствосынынъ, Донецк
Халк Республикасынынъ, Дагестан Республикасынынъ, Федераллык агентсвосынынъ миллет ислери бойынша эм сондай баска патшалык эм ведомстволык савгалары ман да белгиленген.
Суьвретте: савга тапшырув мезгили.