Дагестан Республикасынынъ Оькиметининъ председатели Абдулмуслим Абдулмуслимовтынъ 2025-нши йылдынъ ишинде этилинген куллыклары акында эсап доклады тек йыл сырагыларын келтируьв болып калмай, республикамызда болып турган уьйкен туьрленислерди коьрсетуьв болды.
Премьер-министрдинъ соьйлеви баьри маьнели тармакларды да коьрсетти – экономика эм социаллык тармактан алып авылхозяйстволык асыллав эм
цифровой технологияларга дейим. Баьри тармакларда да болып турган аьллер акында айтылды.
Коьрсетилген цифралар йылдынъ уьстинликлерин бааламага амал беруьвден баскалай, Дагестаннынъ бес йылдынъ ишинде берк абытлар ман алдыга барувын аянлайдылар.
Докладтынъ маьнелиги, тек этилинген ислердинъ эсабында тувыл, келеектегиге толтырувшы власть органларынынъ аьрекетининъ борышларын белгилевинде. Айырым эс ДР вице-премьери Рамазан Джафаровтынъ шыгып соьйлевине бермеге керек. Ол СМИ тармагында болган патшалык етекшилевдинъ туьрленислери кайдай сырагылар бергени акында айтты. Бу ис бардырылып турады эм буьгуьнлерде бас борыш деп журналистлердинъ исининъ амалларын эм материаллык-техникалык аьллерин ийгилендируьв саналады. 2025-нши йылда уьстинликли басланган исимиз келеектегиде де белсен оьрленип тураяк.
Арсен Юсупов, Дагестан Республикасынынъ Баспа эм информационлык Агентствосынынъ етекшиси.