Куьн маьселе коьтерип,
«Шоьл тавысы», шешесинъ,
Ногайымды оьстирип,
Узак заман келесинъ.
Аьр табактынъ ишинде
Аьр аьдемнинъ кайгысы.
Яс тавыслар сесине
Сен биринши йолдасы.
«Шоьл тавысы», кенъ шоьлде
Канат кагып ушасынъ.
Аьвелдеги тарихти
Куьн сайын сен язасынъ.
Сый эм оьрмет казанып,
Ногай халкым оьскенде,
Болалмайсынъ ясырып,
Оьктемликти юректе.
«Шоьл тавысы», йолларынъ
Алыс якка созылсын.
Ногайымнынъ эл данъкы
Ер юзинде айтылсын.
Д.Аманбаева