Согыс спецоперация барысында бизим заманнынъ баьтирлери Енъуьвди авыр урысларда ювыклатадылар. Амаллары болса, олар босатылган ерлердинъ яшавшыларына ярдамласадылар, явдан ерлерди босатув аьскер операциясы алдында тынышлы яшавшыларга кавыфсыз якларга коьшпеге коьмек
этедилер. Дайым да оларда сондай амал болмайды. Сол аьллерде аьдеттен тыскары аьллер министерствосынынъ куллыкшылары уьйкен коьмек этедилер.
Олар согыс спецоперациядынъ биринши куьнлериннен алып эркли кепте куллык юритедилер. Тынышлы заманларда юриткен авыр эм кавыфлы испен шыныккан куткарувшылар, оьз яшавларын сынавга салып, атыслар юритилетаган ерлерден яшавшыларды коьширедилер, оларга гуманитарлык юклер
еткередилер, ерлерди миналардан тазалайдылар. Сондай коркынышсыз куткарувшылар сырасында биз оьктемлик пен ердесимиз, Россия МЧС-нынъ
Туладагы куткарув орталыгынынъ куллыкшысы Равиль Нурдиновты белгилемеге боламыз. Равиль Нурдинов ТереклиМектеб авылында тувган.
Онынъ атасы Зинадин Биймухамбетович коьп йыллар курувшы болып, анасы Роза Кожахмедовна А-Х.Джанибеков атындагы мектебинде китапханада ислегенлер. Заманы еткенде, Равиль, оьзининъ уьш агасындай болып, Эл алдында эр борышын тийислисинше толтырады. Ол кызмет кылувын Россия МЧС-нынъ окув-куткарув орталыгында оьтеди, баслапкы ярым йылын – Челябинскте, сонъ – Тулада. 2012-нши йыл кызмет кылувы тамамланганда, яс ердесимиз службасын бардырган орталыкта контракт бойынша куллык этип баслаган.
Ислеген йылларда куткарувшыга коьпти коьрмеге туьсти, коьп аьдемди ол оьлимнен куткарган, оьз яшавын сынавга салган заманы да аз болмаган. Ол
Амур, Иркутск областьлериндеги, Краснодар крайындагы уьйкен сув алув ман байланыслы болган баьле казалардынъ калдыкларын тайдырувда ортакшылык эткен. Иркутск областинде болган баьле-казадынъ калдыкларын тайдырув бойынша эткен иси уьшин Равиль Нурдинов РФ Президенти Владимир Путиннен Разылык хат алган.
Президенттен экинши Разылык хатты бизим яс ердесимиз 2018-нши йылда футбол бойынша дуныя чемпионатына аьзирленуьвге эм озгарувга коскан салдарлы уьлиси уьшин алган. Равиль Зинадинович Уллы Аталык согысында Енъуьвдинъ 70 йыллыгына багысланып, Тула каласында озган аьскер
парадында ортакшылаган. Ол «За содружество во имя спасения», «За отличие в ликвидаци Енъуьвге оьз уьлисин косып Согыс оьзгерислер ветераны
ях последствий чрезвычайных ситуаций», «Участник ликвидаций последствий ЧП», «За пропаганду спасательного дела» медальлери мен, «За отличие в военной службе» 2-нши эм 3-нши дережели медальлери мен савгаланган.
Равиль Нурдинов согыс спецоперация басланган биринши куьнлерден алып Донбасстынъ халкына ярдам этеди. 2022-нши йылдынъ апрель айында
ол Мариупольде ислеген. Укронацистлер юриткен атыслар аркалы бузылган уьйлердинъ астыннан аьдемлерди шыгарув куллыгында катнаскан. Куткарувшыларга кайдай куллыкты да юритпеге туьседи. Соьйтип Равиль баска куткарувшылар ман бирге ерлерди боеприпаслардан тазалаган. Россия МЧСнынъ сводный пиротехникалык отрядынынъ сырасында Белгород областининъ ерлерин миналардан тазалаган. Равиль Нурдинов ЛНР, ДНР, Запорожье эм Херсон областьлерининъ яшавшыларына гуманитарлык юк еткеруьвде катнасады. Тамада сержант Равиль Нурдинов –2025-нши йылдан алып Россия МЧСнынъ пиротехникалык отрядынынъ сырасында Курск областинде командировкада. Ол бу ерлерде озгарылатаган контртеррористлик операцияда катнасады, атылатаган алатларды излептавып, йок этеди.
Равиль Нурдиновка согыс оьзгерислер ветераны деген шайытлама тапшырылган. Россия МЧС-нынъ Туладагы куткарув орталыгында Равиль мен бирге онынъ хатыны Ирина Нурдинова да куллык этеди. Олар бирге увыл ман кызды тербиялайдылар.
Куткарувшылардынъ кыйын куллыгы акындагы ойлар, оларга аьжелдинъ колларыннан аьдемлерди неше де тартып алып куткармага коркынышлы тувыл ма экен деген соравды бизде тувдырады. «Кавыфлык тувыл, пайда аькелмей оьмир суьруьв – коркынышлы» деген шакырув астында куткарувшылар куллык этеди», – деп яваплайды Равиль Нурдинов.
– Элимиз Россияга куллык этуьв, ортак иске уьлис косув – ол уьйкен сый. Сондай сый бизге буйырганына суьйинемен. Кыйын аьлге туьскенлерге ярдам этуьв – россиянлылардынъканында. Биз дурыслык эм тынышлык уьшин куьресемиз эм Енъуьв бизики болаягына шекленмеймиз», – дейди Равиль Нурдинов.
Нурият Кожаева.
Суьвретте: Равиль Нурдинов.
