Кизляр районында, «Зарядка со стражем порядка» деген баславы астында белгиленетаган Савлайроссиялык физкультурник куьнине багысланып спорт шарасы озды. Сол маьнели акция Кизляр районынынъ Крайновка авылында уйгынланып оьтти. Спорт шарасы туьрли яслы яшавшыларын, кишкей эм ясуьйкен аьдемлерди майданда бирге йыйды. Ыхтыярды саклав органларынынъ ваькиллери мен бирге шара катнасувшылары туьрли коьнигуьвлерди толтырувы ман йогары коьнъиллерин, куватлыгын оьстирмеге амал таптылар. Баска болып, акцияда Россия МВД Кизляр районы бойынша боьлигининъ куллыкшылары, ерли администрация ваькиллери де ортакшылык эттилер. Яшавдынъ ден савлык кебин яйылдырув, яшавшыларды заманзаманы ман физкультура ман кызыксынувга тартув, савландырув бойынша ял алувды коьтергишлев – сол маьнели спорт оьзгерисининъ бас борышлары. Сондай акциялардынъ, боьтен де, Россия халкларынынъ Бирлик йылы бойынша оьтип, яшавдынъ савландырув кеби мен байланыслы болган ямагат келисуьвининъ беркленуьвине эм негизли кылыклардынъ кепленуьвине оьз маьнели косымын этип келуьви де бек маьнели. Суьвретте: шарадан коьринис.