Янъыларда Дагестан Республикасынынъ Аькимбасы Сергей Меликовтынъ республика алдында етискен йогары ис етимислери уьшин айырым аьдемлерди «Дагестан Республикасынынъ патшалык баргылары ман савгалав акында» деп аталган Указы шыкты.
Сол ок Указга коьре Патшалык ногай халк саз алатлар оркестрининъ художестволык етекшиси эм бас дирижеры Бекмурза Яхъя увылы Кудайбердиев «Дагестан Республикасынынъ ат казанган саният аьрекетшиси» деген сыйлы ат пан савгаланувга тийисли болган. «Шоьл тавысы» республикалык газетасынынъ
коллективи Бекмурза Кудайбердиевти сол етимиси мен кутлайды эм аьли де уьстинликлер йорайды.