Ногай районынынъ ТереклиМектеб авылынынъ яшавшысы Мархаба Муса кызы Эсиргепова «Дагестан Республикасынынъ ис ветераны» деген сыйлы атка тийисли болган. «Ногайский район» МО УСЗН специалистлери Р.Заргишиев эм А.Шамарова ясуьйкенимиздинъ уьйине барып, йылы эм онъайлы аьлде ога удостоверениеди тапшырдылар.
Мархаба Муса кызынынъ кеспи йолы кызыклы эм бай.
Туьрли йылларда хатын Нариман авылында китапханады етекшилеген, Ленин атындагы племовцесовхоздынъ КПСС партия комитетининъ секретари болган,
сонъ агропромышленный биригуьвдинъ бас экономисти болып ислеген.
Сыйлы баргы алувы Мархаба Муса кызы Эсиргеповадынъ коьплеген йыллардан бери кайратлы исин, онынъ республикамыздынъ, районымыздынъ оьрленуьвине коскан уьлисин белгилейди. М.Эсиргеповага берк ден савлык эм узак оьмир йораймыз.
Бизим хабаршы.
Суьвретте: М.Эсиргепова (ортада).