Оьткен каты куьн Ногай районынынъ Куьнбатар авылында 2025-нши йылда атларды сынав болжалынынъ ябылувына багысланып, атшабыслар болып озды.
2025-нши йыл ишинде мунда «село Куьнбатар» СП МО аькимбасы Замид Яриковтынъ эм Ногай район аькимбасы Джамалутдин Эсиргеповтынъ колтыклавы аркасы ман 3 атшабыс озгарылды: Уллы Енъуьвге, Россиядынъ Халк бирлигининъ куьнине эм «2025-нши йылда атларды сынав болжалынынъ ябылувына» багысланып.
Атшабыслар оьтуьв уьш куьнлер ишинде Куьнбатар авыл ипподромында 200-ден артык атлар сыналдылар. Бу атшабысларда 5 мынънан артык каравшылар болган. Шарада кавыфсызлык Ногай районы бойынша МВД боьлигининъ куллыкшылары ман канагатланды. Солай ок шарада район ЦРБ жокейлерге эм каравшыларга оперативли аьлде биринши медициналык коьмегин этуьв уьшин медперсонал эм тезлик ярдам этуьв коьлиги мен аьжетсизледи.
Бу шаралар коьп затларга себеплигин тийгистедилер, айтпага: республикамызда атларды сынавга, россиялык гражданлык ювыклыгын эм ясларды патриотлык тербиялавын беркитуьвге, ясларды ат спорты ман кызыксындырады, республика эм конъысы регионларынынъ атлыларын ЮФО эм
СКФО регионлары ара ийги авылдаслык байланысларды бирлестиреди. Шара спонсорлары эсабында Куьнбатар авылыннан атлар иелери эм ерли фермерлер эдилер.
Атшабыска катнасувшылар республикамыздынъ туьрли калаларыннан эм районларыннан, солай ок КЧР, Ставрополь крайы эм баска регионларыннан келдилер. Программа бойынша 4 атшабыс оьтти. Атшабыслар сырагылары, енъуьвши орынларга етискенлер белгиленип, тоьменде
аьлде билдирилди.
Дагестан атлыларынынъ сыйына биринши кере 1200 метр дистанция бойынша шапкан 2 яслы атлар уьшин: 1-нши орын – Куин Мубарак, иеси
Юсуф Байрамуков (КЧР), 2-нши орын — Бестель, иеси Аида Печенникова (Ставрополь крайы), 3-нши орын – Диана Мауф, иеси ООО СПХ «Свободный труд». ОАЭ-да Грей Босс айгырдынъ енъуьвининъ сыйына 1400 метр дистанцияды оьткен 2 яслы атлар уьшин: 1-нши орын – Государь Голд, иеси ООО СХП «Свободный труд» (Ставрополь крайы), 2-нши орын – Серый Ногай, иеси КККуьнбатар (Дагестан), 3-нши орын – Сириус Стар, иеси Рустам Идалхаджиев (Ставрополь крайы).
СКФО атлылар сыйына 3200 метр дистанцияды оьткен уьш эм оннан да артык яслы атлар уьшин: 1-нши орын – Апокалипсис, иеси Сергей Сапачев (Ставрополь крайы), 2-нши орын – Диктатор Браун, иеси ООО СПХ «Свободный труд» (Ставрополь крайы), 3-нши орын – Летопись, иеси Марат Герюгов (КЧР). Чемпион Кабирхан сыйына 1600 метр дистанцияды оьткен Россияда тувган 3 яслы байталлар уьшин: 1-нши орын – Рабина Мэй, иеси ООО СПХ «Свободный труд» (Ставрополь крайы), 2-нши орын – Астрея, иеси Сергей Сапачев (Ставрополькрайы), 3-нши орын – Найса Мастери, иеси
ООО СПХ «Свободный труд» (Ставрополь крайы).
