Янъыларда Дагестан Республикасынынъ Аькимбасы Сергей Меликов Тенъиз советин туьзуьв акында указын кабыл этип алды. Бу кенъесуьвши орган Каспийде тенъиз аьрекетин онълавга эм онынъ баьри йолларын оьрлентуьвге эс каратпага борышлы.
Совет председатели – республика етекшиси Сергей Меликов. Онынъ сырасына региональлик оькиметининъ эм парламентининъ ваькиллери, ыхтыяр саклав органларынынъ эм профильли министерстволар етекшилери, калалар эм районлар етекшилери киргенлер.
Тенъиз советининъ бас борышлары: Дагестаннынъ тенъиз потенциалынынъ ашылувы уьшин ой-токтасларга эс каратув, тенъиз тармагын оьрлентуьв эм онынъ
сапатлы эм заманга келисли продукциясын болдырувын арттырув бойынша маслагатлар аьзирлев, республика еринде Россиядынъ Тенъиз советининъ карарларынынъ яшавга шыгарылувын канагатлав, Каспий бетте тенъиз аьрекетининъ баьри катнасувшыларынынъ биргелес исин онълав. Сондай советин туьзуьв регионда тенъиз исин ийги кепке келтируьвге эм келеекте онынъ оьрленуьвининъ пайдалыгын арттырувга каратылган.