Киели Рамадан айы алдында ТереклиМектеб авылында, СВО еринде янын берген ердеслеримиздинъ ата-аналары уьшин коллективлик авызашар озгарылды. Бу шара, Ногай районында ийги аьдет болып, район кыскаяклылар Советининъ председатели Асият Манкаевадынъ етекшилиги астында район администрациясы, ТереклиМектеб авыл администрациясы, предприниматель Гульзара Эсмухамбетовадынъ эм сондай яны авырыган баскалардынъ баславы ман уйгынланып оьтти.
Шарады Дослар-ТВ ногай телевидениединъ директоры Даниял Исакаев ашты эм юритти. Конак эсабында авызашар шарасында эли уьшин янларын курман эткен СВО катнасувшыларынынъ ата-аналары, ювыклары эм кардаш-тувганлары ортакшылык эттилер. Йыйылганлар алдында Эдиге Беккишиев юрекке тийгендей нашидлер окыды.