ДР Оькиметининъ Председатели Абдулмуслим Абдулмуслимовтынъ тапшырмасы бойынша 2025-нши йылдынъ ноябрь айында Ногай районынынъ Уьйсалган авылына газ трубаларды янастырув бойынша курылыс ислер тамамланган. Ол ислер ДР-нынъ Энергетика эм тарифлер министерствосынынъ бойсыныслы
учреждениеси – ДР-нынъ «Спецгазстрой» ГКУ ман толтырылган.
Объектинъ бас коьрсеткиш белгилери: – газопроводтынъ узынлыгы – 13,4 шакырым; – финанслав оьлшеми – 32,1 млн. маьнет акша; – магистральлик газопроводын курув Уьйсалган авылынынъ 300 яшавшыларына газ бан канагатлавга косылув уьшин техникалык эп туьзеди.
Аьлиги заманда Дагестан Республикасынынъ Энергетика эм тарифлер министерствосы ДР-нынъ Экономикалык эм территориаллык оьрленуьв министерствосы ман биргелесте Уьйсалган авыл ишиндеги газ сетьлерининъ курылысын республикалык инвестиционлык программасына киргистуьв бойынша куллык юритедилер. Ол уьйлер иелери — авыл яшавшыларына оьз уьйлерин газ уьлестируьвши сетьке коспага эп береек.
Уьйсалган авылынынъ газификациялав проектининъ яшавга шыгарылувы республикадынъ узаклыгында орынласкан яшавшылар пунктлар яшавшыларынынъ яшав сапатлыгын арттырувга каратылган эм регионнынъ социал-экономикалык оьрленуьвине келисли.