ДР-нынъ Информация эм баспа агентствосынынъ етекшиси Арсен Юсупов РФ Президенти Владимир
Путиннинъ Россия Халклар тиллерининъ Куьнин токтастырув акында маслагатын хош коьрди эм соны ман байланыста оьз ойлары ман боьлисти. Онынъ соьзлерине коьре, РФ Президенти Россия халклар тиллерининъ куьнин токтастырув бойынша баславы – элимиздинъ маданият туьрлилигин саклавга керекли эм маьнели абыт, дагестанлыларга болса, байыр калымжасын саклав акында ойланувга айы-
рым амал.
– Владимир Путин Расул Гамзатов пан байыр таныс болган эм онынъ тек Дагестанга тувыл, савлай Россия уьшин коьрим алгандай аьлемет аьдем экенин белгилеп, онынъ яратувшылыгын йогары баалаган. Президент белгилегенлей, шаир россия маданиятын оьрлендируьвге салдарлы уьлисин коскан, а онынъ асарлары элимиздинъ коьпмиллетли халклар бирлигининъ белгиси болды, – деп белгиледи Арсен Юсупов.
Солай ок Арсен Юсупов, ДР Аькимбасы Сергей Меликовтынъ Республика Халк Йыйынына каратылган Язбасында бу сорав орын тавып, Дагестан халклар тиллерин саклав бойынша патшалык программасын туьзуьв акында баславынынъ айырым маьнелигин белгиледи.