Уьстимиздеги йылдынъ кырк кийик айынынъ сонъгы куьнлерининъ бирисинде Ногай район аькимбасы Джамалутдин Эсиргепов Дагестан Республикасынынъ Аькимбасынынъ исин юритуьвши Фёдор Щукин мен йолыгысты.
Йолыгыс барысында Ногай районымыздынъ социал-экономикалык оьрленуьви эм баска маьнели соравлары бойынша соьз барды.
Ногай район аькимбасы Джамалутдин Эсиргепов республика етекшиси мен муниципалитет алдында туратаган борышлар акында хабарлады.
Айырым маьне япсар, патшалык эм муниципаллык политикадынъ приоритетли йорыкларынынъ оьрленуьвине, солай ок район яшавшыларынынъ яшав сапатын коьтеруьв уьшин туьзилмеге керек шартларга берилди. Оннан баска болып, Ногай район аькимбасы регион етекшисине муниципалитеттеги аьллер эм этилетаган куллыклар тамамларын келтирип, районымызды оьрлендирмеге болатаган йорыкларды эм аьли де исти оьрге бардырув уьшин патшалык яктан керекли колтыклавды да белгиледи.
Бу салдарлы йолыгыстынъ сонъында коьтерилген соравлар бойынша алынмага керек карарлар алындылар, Ногай районымыздынъ социал-экономикалык оьрленуьви бойынша куллыклар республикадынъ власть органлары ман биргелесте алдыга бардырылаягы да белгиленди.