Йыр – анънынъ булагы эм
бийиклиги. Эгер оны талаплы
инсан йырласа, тынълавшыга
янынынъ байрамы болады.
Соьйтип йырлайтаган эди
Зухра Шандиева. Онынъ сеси
бир де мутылмас, сол йыр-
ларды аьлиги заманга дей-
им биз тынълаймыз эм эси-
мизде саклаймыз. Янымыз-
дынъ йырланмаган анъындай
болып калган Зухра Шандие-
ва бизим юреклеримизде.
Шилле айынынъ 21-нши
куьнинде белгили ногай йыр-
лавшысы Зухра Зункарнай
кызы Шандиевага 60 яс тола-
як эди. Ол дуныядан айлак
эрте кетти, болса да биз оны
мутпаймыз. Терекли-Мектеб
авылында орталык китапха-
насында Зухра Шандиева-
дынъ эстелик кешлиги оьтти.
Шарады Ногай районынынъ
Хатын-кызлар совети эм
Дагестан Республикасынынъ
Язувшылар союзы уйгынла-
дылар. Китапханада Зухра-
ды таныган, бирге оьскен,
ислеген инсанлар, поэзия эм
анъ суьювшилер йыйылган-
лар. Кешликти Ногай райо-
нынынъ Хатын-кызлар сове-
тининъ председатели Аси-
ят Манкаева ашты. Шара-
ды ДР ат казанган маданият
куллыкшысы, ЦБС етекшиси
Сабират Абубекерова юрит-
ти. Китапханада Зухра Шан-
диевадынъ баннери салынган
эди, уьлке-танув музейининъ
куллыкшылары йырлавшы-
дынъ сценический кийимин
шарага аькелдилер. 

А.Манкаева Зухра Шан диевадынъ яшав эм ярашашлык йолы акында хабарлады, оьз эскеруьвлери мен боьлисти. ДР Язувшылар союзынынъ ногай
секциясынынъ етекшиси
Г.Бекмуратова Зухра ман
бирге оьскени, кайтип олар
йырлавшы ман байланыслы болганы акында айтты.
Зухра Шандиева Краснодар
каласында маданият институтын битирген. Сол йылларда оны ман бирге окыган тенълери С.Абубекерова, М.Курганова,
Ф.Динисламова студент йыл-
ларын эсине алдылар.
Зухра Махачкала каласында ислеген йылларда Ногай районында маданият
боьлигин Россия Федерация-
сынынъ ат казанган маданият
куллыкшысы Н.Муталлапова
басшылаган. Ол Зухра Шан-
диевадынъ яратувшылык
йолы кайтип оьрленгенин
айтты соьйлевинде. Солай
ок оьз эскеруьвлери мен
М.Шаршева боьлисти. Сол
йылларда Зухра Шандиева-
га оьз коьмегин Аскерхан
Муса увылы Аджиев, Зина-
ида Анвар кызы Коштакова
эткенлер.
«Шоьл тавысы» республикалык газетасынынъ бас редакторы Э.Кожаева кайтип Зухра ога талаплы шаир кызымыз Кадриядынъ акында фильм салмага сценарий язшы деп тилегенин эсине алды. Йырлавшы Кадриядынъ ролин ойнамага суьйген эди. Оькинишке, сол мырады толмады. Сол заманда биз баьримиз де талаплы
кызымызды йойытып, кай-
гырдык. Эльмира Кожаева
Зухрадынъ йылына Махмуд-
Мектеб авылында эстелик
кешлик озгарган.
Зухра Шандиевадынъ акында Н.Халилова, Ф.Дикинова, Е.Жукова, А.Койлакаева соьйледилер, кардаш-тувганлары атыннан
С.Гапарова, А.Батырова оьз
эскеруьвлери мен боьлисти-
лер. Оьзининъ белгили аба-
сы акында Зухрадынъ аьпте-
сининъ кызы Ю.Ярикбаева
хабарлады. Зухра яшавдан
кешкенде, кыз алты ясында
болган, ама аьлиги заман-
га дейим ювык аьдемининъ
йылувлыгы эм суьйими оны
йылытады.
– Зухра тайганлы 33 йыл
озды, болса да оны аьли-
ги заманга дейим суьедилер
эм эсинде саклайдылар. Мен
кайтип суьйинемен, онынъ
акында йылы соьзлер эсит-
кенде, – деди Юмазиет.
Кешлик барысында Зухра
Шандиевадынъ йырлары эм
ятлавлары эситилиндилер.
Россия Язувшылар союзы-
нынъ агзасы Э.Кожаева йыр-
лавшыга багыслаган ятлавын
окыды. Зухрадынъ туьрли
йылларда алынган суьврет-
лери слайд кебинде коьр-
сетилинди. Кадрия атында-
гы мектебтинъ окувшыла-
ры белгили шаирлеримиз
Кадриядынъ, Бийке Кулунча-
ковадынъ ятлавларын ногай
тилинде яттан окыдылар.
Шарадынъ тамамын-
да катнасувшылар юма шай
иштилер. Баьриси де эстели-
ликли суьвретлерге туьсти-
лер.
Г.Бекмуратова.
Суьвретте: шарадан коьринис.