Кизляр районынынъ яшавшылары согыс спецоперация юрген ерге кезекли гуманитарлык югин йибердилер.
Аталыкты Саклавшылар куьнине рас барып, Кизляр районынынъ яшавшыларынынъ белсенли катнасувлары ман кезекли гуманитарлык юги йиберилди. СВО еринде борышларын толтыратаган аьскершилерди коьтергишлеп келуьвлери мен район яшавшылары гражданлык яваплылык эм тыпаклык
коьрсетуьвлери мен акцияларда катнасып келедилер.
Янъыларда Эльдар Кадиевтинъ етекшилиги астында «Бессмертный полк» козгалысынынъ дагестанлы боьлигининъ баславы ман кезекли гуманитарлык юги Херсон областиндеги Геническке йол алды. Колонна аьскер боьликлерининъ канагатлавы ман курылыс алатларын, коьп заманга сакланатаган азык-туьликлерин, энъ керекли затларды, баска болып, айырым аьскер муьлкин эм техникасын еткерди.
Юктинъ бир кесеги разведка куьплерининъ керексинуьвлерининъ эсабы бойынша кепленип аьзирленген эди. Соьйтип, уьйкен коьтергишлев аркалы гуманитарлык йыйылысы яшавга шыгарылды. Сол маьнели исте орынды Дагестан аькимбасы Сергей Меликов,
Оькиметининъ председатели Абдулмуслим Абдулмуслимов, Кизляр районынынъ аькимбасы Аким Микиров эм Кизляр кала аькимбасы Иван Лазурков маьнели орынын туттылар. Айырым косымын учреждениелер эм предприятиелер етекшилери эм ис коллективлери, айтпага, коньяк заводынынъ
бас директоры Евгений Дружинин эм онынъ орынбасары Зубаир Омаров, СПбГЭУ кизляр боьлигининъ етекшиси Рамазан Нагиев, «Память гор» деген
ерли боьлигининъ етекшиси Камалудин Ибрагимов, баска болып, 3-нши номерли орта мектебининъ куллыкшылары эм окувшылары Махач Хизриевтинъ етекшилиги мен эм «Юный десантник» отряды костылар. Савлай районнынъ мектеблери, айтпага, олар ярдам йыювда окытувшылары, окувшылары да дайым ортакшылык этип келетаган Ефимовская, Косякинская Нововладимирская эм сондай баска орта мектеблери акцияга оьз уьлисин костылар. Магомед Абидовтынъ эм Осман Мусибутаевтинъ аьеллери тагы да маьнели саваплыгын эттилер.
Уьстимиздеги йылдынъ канътар айыннан алып кала эм район яшавшыларыннан, солай болып, дагестаннынъ «Бессмертный полк», «Юнармия» куьп куьшлери мен бу уьшинши кере йиберилетаган юк болады.
Суьвретте: гуманитарлык юги йиберилуьв мезгили.