Биз Аталыкты коршалавшылардынъ алдында басымызды иемиз. Плутарх айткан: «Баьтирлик – енъуьвдинъ басы». Сол да акыйкат, аьдил соьзлер. Бизим ата-бабалар кайзаманда да явга карсы шыгып, йигерли согысканлар. Соны 1941-1945-нши йылларда Уллы Аталык согысында аьскершилер мен коьрсетилген баьтирлик ыспатлайды. Сыйлы ветеранларымыз, дав майданлардан кайтпай калган атайларымыз уныклар согыстынъ ялынында янмасын деп, кара явдан элимизди тазалаганлар. Болса да, фашистлер басын коьтергенине шыдамай, буьгуьнлерде уныклар Элин коршаламага атландылар.
Батирхан Салавдин увылы Муталлапов Нариман авылында мектебти битирип, Санкт-Петербург каласында Михайловский согыс артиллерия Академиясына туьседи
эм уьстинликли кутарады. Распределение бойынша яс специалист Оренбург областининъ Тоцкое поселогында ислеп баслайды. Ол 92-нши ракетная бригададынъ Искандер ракетный комплексининъ начальниги болып куллык этеди. Сонъында капитан Батирхан Муталлапов Абакан каласына ислемеге йибериледи.
Офицер Батирхан Муталлапов СВО басланганнан алып Искандер батареясын етекшилейди. Коьп кыйынлыклардан оьтпеге туьсти ердесимизге. Сол йыллардынъ ишинде штаб етекшиси болды, кесек болжалга 52-нши артиллерия бригадасынынъ дивизионынынъ командирининъ куллыгын юритти. 2024-нши
йылда йигерли аьскерши «Участник СВО» медали мен савгаланды, быйыл Батирханга I дережели «За воинскую доблесть» медали тапшырылды. Мен бу соьзлерди эситкен эдим, олар меним эсимде дайымларга калган: «Баьтир баскалардан йигерли тувыл, тек онынъ йигерлиги бес такыйкага артык». Бизим баьтирлеримиздинъ йигерлиги, оькинишке, бир-бир заманларда бес такыйкага тувыл, савлай яшавга да тенъ болады. Мен Батирхан Салавдин увылына енъуьв мен аьелине, уьйге кайтканын йорайман. Уьйде оны атаанасы, хатыны Эльнара, кызы Марие эм увылы Салих куьтедилер. Согыс еринде аьскершиге соннан баалы бирзат та йок.
Гульфира абдулакимова.
Суьвретте: Б.Муталлапов.