Афган согысынынъ катнасувшылары буьгуьнлерде де бизим арамызда яшайдылар. Олардынъ йигитлиги аьр дайым бизим юреклеримизде сакланады.
Афганшы-интернационалистлер куьни алдында «сельсовет Арсланбековский» СП МО аькимбасы Эдил Акбердиевтинъ тапшырувы ман куллыкшылар бизим
ердесимиз, ветеран-афганшы Уллубий Сагаиндиковтынъ уьйине бардылар.

Авыл поселениесининъ яслар ислери, спорт эм маданият бойынша специалисти Асанбий Биякаев эм Калинин авылынынъ китапханасынынъ заведующийи Кумусхан Акбердиева ветераннынъ тул хатынында конакта болдылар. Олар Сагиндиковлардынъ аьлейине коьп ийги соьзлер айтып, савкатлар тапшырдылар. Энъ де маьнелиси, буьгуьнлерде афган согысынынъ ветеранынынъ увылы, сол заманда атасындай болып, Аталыкты саклавда туры, ол согыс спецоперациясында алдышылыкта явга карсы турады, Россиядынъ кызыксынувларын коршалайды. Сол тувыл ма несилден несилге коьширилетаган йигитлик.
Биз аьр бир коршалавшымызды, баьтирлеримизди эсимизде саклаймыз. Авыл администрациясы эм авыл яшавшылары ветеранга сый этип, онынъ уллы Россия оьрленсин эм таза аспанлы болсын деп коскан уьлисин мутпайды. Аталыктынъ Баьтирлерине дайымлык данък!
Э.Кожаева.
Суьвретте: Сагиндиковлардынъ уьйинде конакта.