Республика бойынша

Россия Президенти Владимир Путин навруз айынынъ 28-нши куьнинде озгарылган кенъесте савлайроссиялык курортларды оьрлендируьв бойынша уьйкен федераллык «Бес тенъиз эм озеро Байкал» проектининъ соравы каралды. Бу шарада Дагестан Республикасынынъ Аькимбасы Сергей Меликов катнасты.

Ол оьзининъ соьйлевинде 2027-нши йылда Савлайроссиялык «Дагестан» балалар орталыгы 400 саьбийлерди ерлестирип билдирди. 100 гектар еринде байыр пляж, ярасыкланган корпуслар, ыспайы ерлер, балалар окып, тыншайып болгандай майданлар болаяк.
Сергей Меликовтынъ айтувы ман орталыктынъ курылувы соьйленген, Каспий тенъиздинъ ягасында проектке коьре, 1500 бала бирден ял алмага боладылар.
Дагестан кайзаманларда да оьзининъ конаксуьерлиги мен белгили болган. Келеекте «Дагестан» балалар орталыгы баьри саьбийлерге де оьз капыларын ашаяк. Аспанымыз аьр дайым коьк, таза болсын, балаларымыз тынышлы элде яшасынлар.
Г.Бекмуратова,
Россия Журналистлер союзынынъ агзасы.