1995-нши йылдынъ коькек айында Дагестаннынъ парламенти биринши кере шакыртылып, депутатлар сайланды. Онынъ бас борышы – властьтинъ ваькилли органынынъ куллыгын уйгынлав уьшин, демократиялык процесслерди армаган оьрлендируьв эм экономикалык реформалар озгарув уьшин законодательлик негизин туьзуьв. 1999-ншы йылда сол заманга парламенттинъ бас борышы эсабында регионнынъ бирлигин саклав эди. Дагестаннынъ референдумы, Конституционлык суды, солай ок патшалык яслар политикасы акында законлар экинши кере шакыртылган дагестан парламенти мен кабыл этилинди. 2003-нши йылда Дагестан Конституциясынынъ кабыл этилип алынувы ДР-нынъ уьшинши кере шакыртылган Халк Йыйынынынъ аьрекетининъ тагы да маьнели абыты эди. Республикамыздынъ доьртинши эм бесинши кере шакыртылган парламентининъ аьрекети дуныялык экономикалык кризис, террористлик бандподполье мен куьрес юритуьв енъил тувыл заманына келди. Сол йылларда ДР Халк Йыйыны республикадынъ социал-экономикалык эм ямагат-политикалык оьрленуьвининъ бас йоллары бойынша борышларды яшавга шыгарув бойынша заьлимдей законлар кабыл этип алды. Алтыншы кере шакыртылган ДР Халк Йыйынынынъ депутатларынынъ приоритетли борышларынынъ санында социаллык тармагында законодательстводы ийгилендируьв эди. Аьлиги етинши кере шакыртылган Дагестан парламентининъ аьрекети регионнынъ оьрленуьвине каратылган маьнели баславлар эм туьрленислер мен баскаланады. Депутатлар республикадынъ социал-экономикалык оьрленуьви мен байланыслы законларды кабыл этип алув уьстинде белсенли аьрекет этедилер. Буьгуьнде приоритетли борышларынынъ бириси – ветеранларды, СВО катнасувшыларын эм олардынъ аьеллерин яклав бойынша шаралар белгилеп озгарув.
Республика парламентининъ спикери Заур Аскендеровтынъ етекшилиги астында етинши кере шакыртылган ДР Халк Йыйынынынъ 40-ншы сессиясынынъ барысында ветеранлар эм СВО катнасувшылар ислери бойынша янъы комитетининъ председатели этилинип оьз эрки мен СВО-да басыннан алып ортакшылык этетаган депутат Абдулла Магомедов сайланды.
Буьгуьнде республикалык парламент Дагестаннынъ аьр яшавшысына регионнынъ оьрленуьвине оьз уьлисин косувды аьжетсизлейтаган бизим халкымыздынъ кызыксынувларынынъ сенимли ваькили.