Уьстимиздеги йылдынъ курал айынынъ 9-ншы куьнинде савлай элимиз уллы Аталык енъуьвдинъ 80 йыллык мерекесин белгилейди. Сондай уллы байрамды белгилев шаралар программасы бойынша бу куьнлерде де бек пайдалы, оьлшемине коьре салдарлы кешликлер, йолыгыслар оьтедилер. Коькек айынынъ 17-нши куьнинде аьдемликтинъ ярасык кесеги – хатын-кызлар оьзлерининъ автокоьли-
клерине олтырып, эстелик акциясын оьткердилер. Соьзди толы кепте ашыклайым, Ногай районымыз-
дынъ орталыгы Терекли-Мектеб еринде аьрекет бардыратаган учреждениелеринде автокоьлик айдай-
таган хатынлар баьриси де, оьзек те, Хатын-кызлар советининъ етекшиси Асият Бадий кызы Манкаевадынъ куьш салувы ман, сол айтылган акцияда ортакшылык эттилер. Бу куьн Ногай район
администрациясы алдына йыйылган хатын-кызларды хош келди соьзи мен Ногай район етекшисининъ орынбасары Мурат Шадиев хош коьрип алды эм йыйылган аьдемлерге оьзининъ ийги
соьзин айтып, яхшы йолды йорады. Бу йол акцияда тек хатын-кызлар ортакшылык эттилер. Баьриси 18 автокоьлик, аьр бирисин бир кыскаяклы айдайды, онынъ янында акция катнасувшылары да болдылар. Бу куьн йыйылганлар эки кесекке боьлиндилер – бир кесек Ногай районымыздынъ
куьнтувар бетинде ерлескен, экиншиси – куьнбатар бетинде орынласкан авылларга кеттилер.
Мага Ногай районымыздынъ куьнтувар ягына бармага туьсти. Мен болган Калинин, Ленинаул авыллары бизди бек йылы йолыктылар. Калинин авыл мектебинде согыс йылларда тувган йыр анъынынъ шалынувына, балалардынъ ятлав окувына шайыт болдык. Меним сейирим калады сол хатынды тынъласам аьр заманда да. Онынъ согыс ветеранлары акында билетаган билдируьвлери
турган бир компьютерлик алат. Аьр кайсы ветераннынъ суьвретин коьргенлей ок, Гульфира Кельдимут кызы Биякаева онынъ толы биографиясын айтып береди. Сондай инсанларымыз
болган шаклы, тарих те, эс те бар эм яшайды. Бу куьн ол С.Капаев атындагы мектебинде келген конакларды окувшылар ман, окытувшылар ман йылы йолыкты. Хош келди соьзин китапхана кул-
лыкшысы А.Кульниязова да айтты. Келген конаклар эстеликке гуьллер салып, Уллы Енъуьвдинъ шынты шайыты – Кызыл байрак, сонынъ копиясын мектебке савгаладылар. Экинши барган авыл
Ленинаул, мунда авылдынъ янына янасканлай, байрам аьлин сездик. Савлай мектеб окувшылары йолга байраклары ман, гуьллери мен шыгып, бизди, келгенлерди йолыктылар. Мектеб азба-
рында занъыраган анъ сеси. Келген конаклар алдындаокувшылар оьз оьнерлерин коьрсеттилер – ятлав окыдылар, йырлар йырладылар. Аьр кайсы авыл еринде де келген конакларга соьз берилди, конаклар ишинде болган Уллы Аталык согысынынъ ветеранларынынъ кызлары, келинлери, уны-
клары, СВО катнасувшыларынынъ ювык аьдемлери оьзлерининъ аталары акында хабарладылар.
Ногай районымыздынъ куьнтувар бетинде орынласкан авылларына барган куьпти Ногай район администрация куллыкшысы Лейла Аджикова етекшиледи.
Г. Курганова.
Суьвретте: акция оьтен авыл ерлеринде.