*Куьннинъ коьзи туьссиз болса – ямгыр яваяк, эгер таза эм ярык болса – куьн аьруьв болаякка.
* Эгер уьй куслары ямгырдан ясырынмасалар – ямгыр тез токтаяк.
* Навруз айында кешеде ел куьшленсе куьнлер йылынаяк эм ямгырлар болаяк.
* Эгер туман сувдан яде ерден йогары коьтерилсе – куьн исси болаяк. * Эгер булытлар куьннинъ тоьгерегинде йыйылсалар – ол зат бек куьшли еллердинъ эсеек нышаны болады.
* Уьй куслары басын канатынынъ астына тыкса – сувык болаякка.
* Казылар йогарда ушса – яз ямгырлы болаяк.
* Кыс шакта яркыраган айындырык – ол боран болаягы акында, ашык коькте яркыраган айындырык ел эсееги акында билдиреди.
* Каргалар куьплесип йогарда айлансалар – кар яде ямгыр яваякка.
* Айванлар кайсы якка аркасын бурып ятсалар – сол яктан ел эседи.
* Эгер эртен япыраклардынъ ушында шык болса – ямгыр яваягы акында билдиреди.
* Карлыгашлар тоьмен ушсалар ямгырлы ел болаяк.
* Торгайлар шанъда шомылса – сувык куьнлерге, сувда шомылсалар – йылы болаяктынъ нышаны болады.
* Эмен терек аьруьв атса – аслык онъ болаяк.
* Бакалар сувда кышкырсалар – ямгыр яваяк.
* Кумырскалар бир ерге уьймелесип турса – кыстынъ сувык болаягын билдиреди.
* Язлыкта шышканлар коьп болса – аслыктынъ осал болаягы акында айтады.
* Торгайлар куьн туьсетаган бетке уя ясаса – яз салкын болаяк.
* Каргалар ерде юрсе – куьнлер йылынаяк.
* Шегерткилер кеште кышкырса – экинши куьн ашык эм йылы болаякка.
* Кыста туман болса – куьнлер йылынып басланар.
Аьзирлеген: Г.Нурдинова.