Россия Президентининъ Сырт-Кавказ Федераллык округында толы ыхтыярлы ваькилининъ орынбасары Максим Владимиров оьткен дуьйсемби куьн, курал айынынъ 19-да,  ис борышына коьре Дагестан Республикасында болып кетти. Мунда ол ДР Оькиметининъ Председатели Абдулмуслим Абдулмуслимовтынъ ортакшылык этуьви мен кенъес озгарды.

Кенъес барысында кадынъ министерстволары эм ведомстволары ман туьрли тармаклар бойынша белгиленген тапшырмалардынъ яшавга шыгарылувы, солай ок регионнынъ социал-экономикалык оьрленуьвининъ кайбир соравлары ортага салынып ойласылды. Кенъесте солай ок ДР бойынша бас федераллык инспекторы Александр Степанов, толтырувшы власть органларынынъ кайбир етекшилери ортакшылык эттилер.