Янъыларда Кизляр районында согыс спецоперация юрген ерде янлары курман болган ердеслеримиздинъ эстелигин оьмирлеттилер. Кизляр районынынъ Крайновка эм Речное авылларында согыс спецоперация юрген ерде янлары курман болган аьскершилери – Гаджиахмед Шихамиров эм Магомед Багаудиновтынъ эстелигине мемориаллык такталарынынъ ашылувы шатлыклы аьлде уйгынланып оьтти. Шарада йигитлердинъ кардаш-тувганлары, авыл администрация, билимлердируьв ошакларынынъ ваькиллери эм ерли авыл яшавшылары катнастылар. Йыйылганлар йигитлерди бир такыйка уьндемей турувлары ман эскердилер. Мемориаллык такталардынъ ашылувы – Россия кызыксынувларын оьз яшавларынынъ баасы ман коршалайтаган баьтирлердинъ йигитлигине, коркынышсызлыгына сый этилуьви эди. Сол эскеруьв белгилери келеек аркаларга Аталыкты саклавшылардынъ баьтирлиги эм кайратлыгы акында эслерине салып келеегине соьз йок.
Суьвретте: шарадан коьринис.