Согыс спецоперация катнасувшыларына курал айынынъ 24-де баьри керекли затлар тиелген «Урал» автокоьлик пен Ногай район яшавшыларыннан кезекли гуманитарлык юк йиберилди.
Бу ак ниетли аьрекет бу куьнлерде СВО еринде оьз борышын толтыратаган
Эдиге авыл яшавшысы Тенгали Канглыбаевтинъ баславы ман яшавга шыгарылды. Ол оьз бавырдасларына блиндажлар салувга курылыс материаллар йыювга коьмеклеспеге тилек салды. Уьйкен себеплигин тийгистти бу аьрекетти уйгынлавда СВО аьскершилерге неше кере де ярдамласкан Терекли-Мектеб авыл яшавшысы Альмира Акмурзаева. Ол бу иске коскан уьлиси уьшин 2-нши мотострелковый батальоннынъ командованиеси атыннан Разылык хатка тийисли этилинген.
Альмира Акмурзаева ян косагы Динислам Сагиндиков пан бирге СВО катнасувшыларына гуманитарык юк эм курылыс материаллар йыйылатаганы акында билдируьвди кенъ яйды. Олардынъ гражданлык позициясы патриотизмнинъ эм Тувган ерине суьйимликтинъ яркын коьрими болады.
Соны ман, олардынъ эткен шакырувына тек Ногай районымыздынъ тувыл, элимиздинъ баска субъектлерининъ яшавшылары да явапладылар.СВО
катнасувшылары уьшин 250 мынънан артык акша йыйналды, байыр ис пен каь-
рлевши предпринимательлер Тимур Байманбетов эм Руслан Кошеров, Аскер
Боранов спонсорлык ярдамын эттилер. Оннан баска болып, район яшавшылары
аьскершилерди эки холодильниклер мен, шилтелер мен, азык-туьлик пен, дар-
манлар ман, уьйшиликте кулланувда бас деп керегетаган коьп затлар ман кана-
гатладылар.
Ногай район яшавшылары бизим коршалавшыларга коьмек этуьвде ак ниетли-
гин, аьзирлигин эм бирлигин коьрсетти. Баьриси де олардынъ уьйлерине аман-
эсен кайтканын йорайдылар.
З.Ваисова.