Дагестан Республикасынынъ Аькимбасы Сергей Меликов Россия тыс ислерининъ министерствосында республикамыздынъ маданият, экономикалык, туристлик амалларынынъ уьйкен презентациясын
коьрсетти. Дагестанды «Россия миниатюрада» деп атап, регионымыздынъ басшысы онынъ коьпмиллетлигин эм бай тарихлигин белгиледи. Алды Азиядынъ, Куьнтувар Европадынъ эм Средиземноморьединъ цивилизацияларынынъ косылатаганери болып, Дагестан айлак та маьнели,
анъ-эдаплы амалларынынъ иеси эм коьплеген тамырлы халклардынъ уьйи болатаганын айтты Сергей Алимович. Ол Россиядынъ энъ де бурынгы каласы, ЮНЕСКО объектлерининъ списогына кирген
Дербентти, онынъ Нарын-кала цитадели акында да айтты. Бу ерде Сергей Меликов маданиятлар ара диалогтынъ орталыгы деп Дагестанды белгиледи.
Презентациядынъ барысында Дагестан
Аькимбасы республикадынъ туьрли тармакларда етискен уьстинликлери акында хабарлады. Спорт бойынша дагестанлы спортсменлери отызга ювык алтын медальлер алганлар, олардынъ уьшеви
UFC йогары титуллардынъ иеси болганлар. Дагестан футболы кайтадан куьш алады, «Динамо» Махачкала оьзин йогары дережеде коьрсетеди. Транспорт бойынша регионда «Кавказ» Р-217 трассасы
янъыртылады, аэропортта янъы ушатаганконатаган йолак салынаятыр, Махачкала каласынынъ тенъиз-сатув портын оьрлендируьв бойынша куллыклар юритиледилер. АПК бойынша Дагестан уьй-
кен муьйизли мал эм койларды саклав эм асыллав бойынша биринши орынларды алады, таза авылхозяйстволык продукциясын шыгарады эм юзим асыллав бойынша – алдышылардынъ сырасында. Халклар ара байланыслар бойынша Дагестан бес патшалык пан япсарлайды эм халклар ара
«Сырт-Кубыла» транспорт коридорынынъ кесеги болады. Айырым маьне Сергей Меликов туризмге берди. Онынъ айтувы ман, 2024-нши йылда Дагестанда 2 миллионга ювык конаклар болдылар. Республикада тенъиз бойында Каспий кластери салынаягы акында айтты регион етекшиси, сол зат туристлерге орынларды коьбейтпеге эм Савлайроссиялык «Дагестан» балалар лагерин курмага демевлик этеек. Дагестан Аькимбасынынъ айтувы ман, регионнынъ маданият коьп келпетли бренд
болады, ол халклар ара байланысларды берклендируьвинде саниятлардынъ орыны кайдай экени акында ашык кепте хабарлады. Уллы шаир Расул Гамзатов калдырган адабият асабалыгы коьплеген несиллерге маьнели экенин, «Лезгинка» биюв ансамблининъ савлай дуныяга таныс болганын
да белгиледи Сергей Меликов. Презентация тамамында Сергей Алимович Меликов Дагестан келеекте де оьрленип тураягында шекленмейтаганын айтты эм шарадынъ катнасувшыларын бирге ислемеге шакырды. – Республикамыз Россия етекшилеви яктан коьтергишлевди сезетаганын эм оьрленуьвге, онъайлыкка ымтылып, баьри куьшин салмага аьзирлигин айтпага суьемен, – деди Дагестан басшысы.
Бизим хабаршы.