Оьткен саьли куьн Дагестан Аькимбасы Сергей Меликов СКФО-да РФ Президентининъ толы ыхтыярлы ваькили Юрий Чайкадынъ басшылыгы астында оьткен кавыфсызлык, коррупцияга карсы аьрекет этуьв эм ыхтыяр йорыгын канагатлав соравлары бойынша координационлык советининъ кенъесинде ортакшылык этти. Онда СКФО регионла-
рында законга коьре дембиге йолыктырылып, сога тийисли учреждениелерде турата-
ганлар арасында экстремистлик караска эм аьрекет этуьвге себеплерди эм аьллерди аянлавга эм йок этуьвге каратылган профилактикалык шараларды яшавга шыгарув соравлары ойласылды.
Юрий Чайкадынъ белгилеви мен, географиялык орынласувы эм этноконфессиональ-
лик туьрлилигин эсапка алув ман Сырт Кавказ округы шет эллер спецслужбаларынынъ эм баска деструктивли куьшлерининъ мунда туьзилген аьдеттеги яшав аьлин бузувга каратылган аьрекетин заьлимдей белсенлетуьвге оньайтлы ерге айланмага болады. Сонынъ уьшин сондай затлардынъ алдын шалув уьшин профилактикалык шаралар коьрмеге, биргелес аьрекет этуьв тармагын ийгилендирмеге керек. Кенъес сырагылары бойынша Юрий Чайка аян тапшырмалар берди.