Расул Гамзатовтынъ тувган куьнинде, онынъ сыйына багысланган шараларда шаирдинъ аьели, республикалык власть органларынынъ етекшилери, конаклар, сол санда шет эллерден келгенлер де ортакшылык этедилер.
Республикада эстеликли шаралар «Ак турналар куьнлери» аьдетли фестивали ишинде бардырыладылар. Сонынъ программасына республикадынъ туьрли ерлеринде: Махачкала,
Дербент калаларында, Гуниб эм Хунзах районларында яратувшылык йолыгыслар, шаирлик кешликлер, тоьгерек столлар оьткеруьвлер киргенлер.
Фестиваль Россиядынъ туьрли калаларында эм Палестинада яшайтаган онлаган язувшыларды, шаирлерди, литературоведлерди бириктирди. Эсинъизге салайык, РФ Президенти Владимир Путин Россия халкларынынъ тиллери куьнин токтастырувды билдирген эди эм сол куьн Расул Гамзатовтынъ тувган куьнинде йыл сайын белгиленеек. Бу йыл Расул Гамзатовтынъ камырына ДР Аькимбасы Сергей Меликов та гуьл байламын салды