Дагестан Республикасынынъ Аькимбасы Сергей Меликов уьш куьн узагында оьткерилген сайлавлар регионымызда йогары дережеде оьткенин белгиледи.
Онынъ соьзине коьре, бу йылгы сайлавлар бирликтинъ шынты байрамы болды. Сайлавшылар оьзлерининъ гражданлык борышын яваплы толтырдылар. Республикадынъ алты калаларында, отыз сегиз районларында 1,3 миллион дагестанлылар тавысларын бердилер. «Коьплеген дагестанлылар
оьзлерининъ ыхтыярлары ман пайдаланганлары бек суьйинтти», – деди ДР Аькимбасы. Сайлавлардынъ уйгынлы оьтуьвинде МЧС, ыхтыяр саклавшы органлардынъ, энергетика эм транспорт министерствосынынъ куллыкшыларынынъ уьйкен уьлиси бар, оларга уьйкен разылыгын да регион етекшиси билдирди. Оьз соьзининъ ызында ДР Аькимбасы Сергей Меликов янъы сайланган депутатлар эм муниципалитетлердинъ етекшилери ис аьрекетлерин таза намыслы эм тувган ердинъ онъайлыгы  уьшин юритуьвге сеними барын
айтты…