Махачкаладынъ тарих паркынынъ майданында «Оьмирлер бойында Аталыкты коршалавшылар» деп аталган выставка оьтти.
Бу шарадынъ бас ниети – коршалавшыларга сый эм данък барын, оьсип келетаган несиллерге аталардынъ асабалыгын баалап билуьвди коьрсетуьв…
Шарадынъ ашылувында ДР Аькимбасы Сергей Меликов та ортакшылады.
– Бизим бу выставка – аьскершилерге сый. Бу куьнлерде Элди коршалавда турганлар алдында биз басымызды иемиз. Бизим борышларымыздынъ бириси – Халктынъ йигитлиги акында эсти саклав.
Олар оьзлерининъ тыпаклыгы ман, куллыксуьерлиги мен, йигерлиги мен, аьлиги заманларда, эркинликти эм бойсынмаслыкты канагатлайдылар», – деди Сергей Меликов. Бу экспозиция Аталыкты Коршалавшы йылына эм Уллы Аталык согысынынъ 80 йыллыгына багысланган савлайроссиялык «Аллея Российской Славы» деген проект ишинде уйгынланган эди. Сол проекттинъ авторы Михаил Сердюков та Дагестанга сондай сый эткени эм яслардынъ патриотлык тербиясына маьне бергени уьшин ДР Аькимбасынынъ разылык соьзине тийисли болды.