- Ийтлер ерде ойнаса, ямгыр
яде кар яваякка.
* Булытлар бийикте калкып
юрсе, ийги куьн болаяк.
* Казлар бийик ушса, куьнлер ямгырлы болар.
* Мышык ерде авнаса, куьнлер йылынып баслар.
* Сентябрь айда коьк куьлтиресе, куьз йылы болаяк.
* Уьй кусы басын канатынынъ астына тыкса, сувыклар
басланаякка.
* Куьздинъ сонъында ширкейдинъ шыгувы, каты кыстынъ
болаягы акында белги болады.
* Тереклерге кырав ятса,
боран болаяк.
* Эгер эртен оьлен уьстине
шык куьшли туьссе – куьн исси
болаягын билдиреди.
* Кыста коьк юлдызлы болса,
кыс сувыклы болар.
* Куьнбатар бет кешке
кызырса, куьн ашык эм ийги
болаяк.
* Тереклер экинши кере буьрленсе, кыс узак болаягы акында билдиреди.
* Коянлардынъ коьп болувы,
кыс сувык болаягы акында айтады.
* Кумырскадынъ куьзде ясаган уясы бийик болувы – кыс
каты болаягын белгилейди.
* Толы ай кызарып шыкса, ел
болаякка.
* Куьнбатар беттен келген булытлар оьзи мен куьшли
ямгырларды (ливни) аькеледи.
* Койлар баслары ман туьйисип ойнаса, куьшли ел болаягы
акында айтады.
Аьзирлеген: Г.Нурдинова.
