Йыл сайын «Урожай-2025» ярмалык-выставкасы, аграрлык йылдынъ маьнели тамамларын келтируьв эм алдышы аьрекетшилерин оьрметлев ниет пен, авыл хозяйстволык тармагынынъ куллыкшыларын бирге йыйнайды. Бу йыл да кырк кийик айынынъ 6-ншы куьнинде Михайловское каласында выставка
катнасувшыларына «Авыл азбарлары» аркалы Ставрополь крайынынъ коьп яклы ярык художестволыккелбетлигин коьрсеткен, айтпага, аьдетлери, кол усталыгы, маданият эм экономикалык байлыгы ман ювык таныспага амаллары болды.
Аслык йыйылувынынъ тамамланувына багысланган «Урожай -2025» ярмалык-выставкада Нефтекум районынынъ Коясыл авылыннан «Алтынай» ногай халк вокал коллективи де ортакшылык этти. Олар Нефтекум муниципаллык округы бойынша «Ногай азбарын» коьрсеттилер. Солай болып, ярмалык выставкасына келгенлердинъ, вокал коллективининъ оьнерли йырлавында ногай эм орыс тиллеринде йырлары ман да таныспага амаллары болды. Соьйтип мунда йыл сайын авыл
хозяйстволык асыллав комплекси бойынша янъы етимислери эм тармактагы байланыстынъ уьзилмеви, солай болып, Ставрополь крайында яшайтаган халклардынъ маданият эм анъ байлык баалыклары коьрсетилип келеди.
Суьвретте: «Алтынай» ногай халк вокал коллективи байрамда.