Кизляр районы ман СВО юрген ерге уьстимиздеги йылдынъ кырк кийик айынынъ 27-нши куьнинде Дагестанда «Оьлимсиз полк» Патриотлык козгалыстынъ баславы ман согыс спецоперация юрген ерге кезекли гуманитарлык ярдамы йиберилди. Сол шара Кизляр районынынъ аькимбасы Аким Микировтынъ, Кизляр кала килсе бойынша округынынъ Махачкала епархия иеромонах Силуаннынъ, Кизляр каласы эм Кизляр районы бойынша Дагестан Республикасынынъ УФК боьлиги бойынша ваькили Александр Зиминнинъ, Кизляр каласындагы СПбГЭУ филиалынынъ етекшиси Рамазан Нагиевтинъ демевлик этуьви мен уйгынланды.
Ярдамды йыйнавда юнармеецлер, ата-аналар, баска болып, Кизляр районынынъ янлары авырыган яшавшылары ман бирге Кизляр районынынъ Нововладимировка орта мектебининъ етекшиси Иман-Али Мантиков эм баска болып, 3- нши номерли мектебтинъ етекшиси Махач Хизриев белсенли ортакшылык эттилер. Гуманитарлык юги Александр Невский эм Кутузов орденлерининъ 104-нши гвардия десант-штурмлав дивизиясына йиберилди. СВО юрген ерге ярдамын йыйнав бойынша баславы
яшавшылар арасында тез яйылып, туьрли несиллер арасында аьдемлерин тыпакластырды. Кизляр районынынъ яшавшылары азыктуьлик, йылы кийим, гигиена алатларын, дарманларды эм сондай баска керекли затларды аькелдилер. Кизляр районынынъ аькимбасы Аким Микиров гуманитарлык ярдамын йиберуьв – ол
аьскершилерин олардынъ йигитлиги, коркынышсызлыгы уьшин разылыклары болувын да белгилемей болмады.
Солай болып, район аькимбасы тыпаклык – келеекте коьптен сакланган енъуьвдинъ негизи болатаганына сенимлигин билдирди.
Суьвретте: Кизляр районында гуманитарлык юги йиберилуьв мезгили.
