Буьгуьн, 2025-нши йылдынъ караша айынынъ 27-нши куьнинде, Дагестан яшавшыларынынъ республика Аькимбасы Сергей Меликовка тувра сорав бермеге амалы болаяк. Бу куьн йылсайынлык тувра линия бойынша регион етекшисине, гражданлар заманга келисли эм кыйнайтаган соравларын берип, оларга явап алмага болаяклар. Бесинши кере оьтетаган тувра эфири, ашык кенъесуьв эм маьселелердинъ шешилуьвин
излев майданы болаягына соьз йок. Тувра эфирининъ барысында Сергей Меликов, республика оьрленуьвининъ тамамларын келтирип,
янъы мыратларын белгилеек. Дагестаннынъ аьр бир яшавшысына оьз маьселеси акында айтпага, оьз ойлары ман боьлиспеге мырсатлар
туваяк.
Тувра линиясы – ол тек сорав берилуьв болып калмай, олардынъ шешилуьвинде айырым йолларын таппага амал да береек. «Сол куьн
коьп соравларына явапламага шалысаякпан, эгер олар тувра эфирде айтылмаса да, сонъ каралып тийисли явабы берилер», – деп билдиреди
республика Аькимбасы.
Тувра линия бойынша республика яшавшыларынынъ аьр бирисининъ яшавы ман байланыслы коьп темалар коьтерилер деп уьмитленемиз. Оьткен йылларындай болып, тувра эфирде аьскершилерди эм олардынъ аьеллерин коьтергишлев мен байланыслы соравларга, оннан баска болып, уьй-турак хозяйство, сув ман канагатлав, медицина тармакларына, авылларды газификациялавга, ер мен байланыслы соравларга уьйкен эс
берилеегине сенемиз.
Г.Нурдинова.