ДР Халк Йыйынынынъ депутатлары согыс спецоперация катнасувшыларын, ветеранларды эм олардынъ аьеллерин колтыклав бойынша сезимли куллык юргистеди. Ярдам кайсы яктан да этиледи – патшалык властининъ ваькилли органынынъ законларды туьзуьв, кабыл этуьв бойынша аьрекеттен алып тувра материаллык эм социаллык коьмекке дейим.
Бу истинъ бас йолларынынъ бириси – законодательстводы ийгилендируьв эм оьрлентуьв. Ызгы йыллар ишинде республика парламенти мен СВО катнасувшылары эм олардынъ аьеллери уьшин косымша эсабында 30 социаллык яклав шаралар токтастыратаган 11 республикалык законлар кабыл этилинген. Тек 2025-нши йылда сондай доьрт законлар токтастырылган, а аьли де эки законопроект февраль айында оьтеек сессияда ортага салынып ойласувга аьзирленеди.