2026-ншы йылда яшавга шыгарылмага керек Ис планына коьре, уьстимиздеги йылдынъ навруз айынынъ ызгы куьнлеринде, Ногай район муниципаллык туьзилисинде, Антитеррористлик комиссиясынынъ кезекли йыйыны болып озды.
Йыйын барысында бир неше соравлар каралды, айтпага, эсапка алынганлар, шет эллердинъ аьдемлери мен юритилетаган профилактикалык ислер, «Оружие-выкуп» спецоперациясынынъ юруьви, Россия Федерация Оькиметининъ 2019-ншы йылдынъ 5-нши сентябринде кабыл этилинип алынган 1165-нши номерли токтасына коьре, «Ногай район» муниципалитетининъ япсарларында аьрекет бардыратаган дин организацияларда тергев ислердинъ барувы акында.
Солай ок, бу куьн АТК секретарининъ Дагестан Республикасы эм Ногай районы бойынша НАК, АТК карарлары акында доклады да тынъланды.
Бу куьнги йыйынды Дагестан Республикасынынъ Кизляр каласындагы РФ УФСБ боьлигининъ етекшиси, МР АТК председателининъ орынбасары Ш. Барамбаевтинъ басшылавы ман оьтти. Оннан баска болып, йыйында «Ногайский район» МР етекшисининъ орынбасары М. Шадиев, Ногай районы бойынша Россия ОМВД етекшиси И. Турлавов, боьлик етекшиси З.Заргишиев, «Ногайский район» МР Депутатлар йыйыннынъ депутаты А.Юсупов, Терекли-Мектеб авыл ПЧ-49 етекшиси А.Яриков, Ногай район имамлар Советининъ председатели М.Мусаев, авыл поселениелерининъ аькимбаслары ортакшылык эттилер.