Янъыларда Россия Федерациясынынъ Савытлы куьшлери сырасына срочный службасын оьтпеге баратаган ясларды йолга салдылар.
Шатлыклы йолга салув Дагестан Республикасынынъ Кизляр районынынъ эм ЮжноСухокумск, Кизляр калаларынынъ комиссариат еринде оьтти.
Сол маьнели оьзгеристи боьлиспеге Кизляр район администрациядынъ аькимбасынынъ биринши орынбасары Тимур Гаирбеков, район аькимбасынынъ коррупцияга карсы турув соравлары бойынша коьмекшиси Амирхан Даитбегов, Кизляр районы эм Сухокумск, Кизляр калалары бойынша аьскер комиссары Рамазан Курамагомедов, баска болып, олардынъ кардаш-тувганлары эм дослары келген эдилер.
Кизляр районынынъ аькимбасы Аким Микиров атыннан аьскерге йолланганларга йылы соьзлери эм тилеклери мен Тимур Гаирбеков шыгып соьйледи. Ол оьз соьзинде аьр бир яс аьдемнинъ яшавында аьскершилик службадынъ баалыгын белгиледи, солай болып, ол патриотизм эм йигитлик коьрсетуьвде
шынты сынав эм менлиги туьзилуьвде маьнели кезек болатаганын да айтып озды.
Айтып озайык, аьскерге шакырув шаралары канътар айынынъ 1-нши куьниннен алып карагыс айынынъ 31-нши куьнине дейим бардырылаяк, яслар аьскер службасын оьтпеге язлыкта эм куьзде йиберилееклер.