Уллы Енъуьвдинъ 81-нши йылын белгиледик. Байрамга багысланган митинг, концерт программа, спорт базласлар Ногай районымыздынъ орталыгы, миллетимиздинъ
маданиятынынъ оьзеги – Терекли-Мектеб авылында мактавлы аьлде оьтти деп айтпага болады. Аьр кайсы шара да меним ис йолдасларым ман келбаклап язылады.
Бу куьн Терекли-Мектеб авыл аькимбасы Марат Кулунчаков муниципалитет атыннан, ок атув турнирин уйгынлап, кубок уьшин базлас озгарды. Солай ок, атшабыс та муниципалитеттинъ кубогы уьшин болып озды.
Сога да авыл аькимбасы савгалав фондына 200 мынъ маьнет акша карыжлаган.
– Ок атув – миллет спорт кеби, соны янъыртув бизимортак борышымыз болады.
Бу ойынынынъ уйгынланувында Мурадин Манкаевтинъ уьлиси барын да ол белгиледи. Буьгуьн бу турнирди уйгынлавымыздынъ бас маьнеси де сол – ийги аьдетлерди несилден-несилге коьше беруьв, – деп, кутлав соьзин айтты Марат Избулла увылы.
Сол спорт кеби мен кызыксынатаганлар саны аз тувыл экенин бу куьнги базлас коьрсетти. Базлас куьплер арасында оьтти. Ийгилердинъ ийгиси, куватлылардынъ куватлысы деген сыйлы ат уьшин уьш куьп: «Баьтирлер», «Аювлар», «Мергинлер» куьрестилер, орынлар да, мен келтирген кепте, куьплер ара сайгаластырылды. Базлас енъуьвшилери баалы савгалар ман, медальлер мен эм Кубок пан савгаландылар.
Атшабысты уйгынлаганы уьшин авыл аькимбасы Марат Кулунчаков авыл яшавшысы Залимхан Ваисовка оьз разылыгын билдирди. Спорттынъ бу кеби де Уллы Енъуьв байрамы
белгиленген куьн бек аьлемет кызыклы оьтти.
Э.Кожаева.