Сизди энъ маьнели патшалык байрамларынынъ бириси – Россия Куьни мен ак юректен кутлаймыз.
Бу байрам куьни – бизим коьп оьмирлик тарихимиздинъ, бизим миллет оьктемлигимиздинъ эм бирлигимиздинъ белгиси. Россия Куьни – ол тек календарьде коьрсетилген байрам куьни тувыл, ол бизди бирлестиретаган затлар акында ойланмага эп беретаган куьн: ортак тарих, ортак баалыклар, бизим аьлемет маданиятымыз эм, оьзек те, бизим уллы Тувган еримиз. Ол – бизим атабабаларымыздынъ баьтир аьвелгиси акында айырым сезим мен эскеретаган куьн. Олар оьмирлер узагында бизим еримиздинъ эркинлиги эм бойсынмаслыгы уьшин куьрескенлер, оны аьлеметли кеплегенлер, бизге онынъ байлыкларын сакламага эм арттырмага насихат бергенлер.
Россия – ол мынълаган тарихли патшалык, уллы ислер эм данъклы инсанлар эли. Бизим тарихимиз – ол эркинлик уьшин, оьз алдына биревге де усамаслы болувга ыхтыяры
уьшин куьресуьвдинъ йылязбасы.
Буьгуьнде Россия – ол дуныялык аренада бас орын тутатаган уллы патшалык. Биз элимиздинъ илмиде, маданият, спорт эм экономика тармакларында етискен уьстинликлери мен оьктемсиймиз. Бизим ямагаттынъ оьрленуьвине, бизим патшалыгымызды беркитуьвге уьлисин косатаган аьр гражданинди баалаймыз. Бу байрам куьнинде аьринъизге тынышлыкты, танълыкты эм онъайлыкты йораймыз. Сизинъ аьеллеринъиз суьйимге эм тил бирликке бийленсин. Аьр куьнинъиз суьйинишке, уьстинликке эм танълагы куьнге сенимликке толсын.
Бизим тувган еримиз, Россия беркисин эм шешекейленсин! Кенъ тоьселип яйраган уллы элимиздинъ аьр муьйиси суьйинишке эм наьсипликке бийленсин!
Россия Куьни мен сизди, аявлы йолдаслар!

«Ногайский район» МР администрациясынынъ аькимбасы Д.Эсиргепов,
«Ногайский район» МР Депутатлар Йыйынынынъ председатели А.Менласанов.