Сый эм данък сизге, аявлы хатын-кызлар! _____________

Куьнбатар авылында Хаирниса Шомаровна Нурлыбаевадынъ (суьвретте) сый-абырайы кишкей тувыл. Ол, оьзининъ тувган авылына алал кыз болып, ерли мектебте де окып, ис аьрекетин де мунда бир неше йыллар узагында бардырып келеди. Ол Астрахань ериндеги медициналык окув ошагын да уьстинликли окып битирген. Сол окув йылларында сулыбын беркитер ниет пен ол каладынъ С.Киров атындагы эмлев уьйининъ балалар боьлигинде де куллык эткен. Соннан бери Хаирниса балалар ман байланыслы болып келеди. 

Буьгуьнлерде ол оьзининъ Куьнбатар авылынынъ балаларын эмлейди. Хаирнисады авыл ясуьйкенлери де, ясы кишкейлери де сыйлайдылар эм суьедилер. Алдымызда – Хатын-кызлар куьни. Язлык шакта яркыраган наьсипти, берк ден савлыкты сизге, Хаирниса, йораймыз.

Сый эм данък сизге, аявлы хатын-кызлар! __________________

«Насипхан бизди тек оьзининъ тыскы ярасыклыгы ман тувыл, янынынъ ярасыклыгы ман да оьзине каратады. Аьр кайсымыз бан да ол юмсак соьйлейди, яны авырып коьмегин этеди. Биз, эсли аьдемлер, оьзек те, тез оькпелеймиз, баьри зат бизге авыр да болып коьринеди, аьр биримиздинъ – оьз касиети, Насипхан болса аьр кайсымыздынъ эбин тавып, куьлемсиреп, коьнъилимизди коьтерип болады. Аьне сондай аьдемлер бизим яшавды, авылымызды ярасыклайдылар демеге болады», – дейдилер Насипхан Мауталиевна Бийболатовадынъ акында Батыр-Мурза авылынынъ социаллык буйымлары ман канагатланатаган яшавшылары. Насипхан социаллык куллыкшысы болып 23 йылдан бери ислейди. Ийги иси уьшин Сый грамоталар ман савгаланган. Район Сый тактасында онынъ суьврети ярасыкланган.

Келеяткан Хатын-кызлар байрамы ман Насипханды кутлаймыз, ден савлык, куллыгында тагы да уьйкен уьстинликлерге етискенди йораймыз.

Суьвретте: Н.Бийболатова.

Маданият уьйининъ куллыкшылары авыл яшавшыларына куваныш, коьнъил коьтерис савкатлайдылар. Авыл маданият уьйи «маданият тандыры» деп те айтылады. Тандырсыз яшав йокка эсап. Маданият тандыры аьр бир авылга бек керек, боьтен де талаплы, оьз исине янын берген эм касындагына кайратлыгын эм куванышын коьширип билген клуб етекшиси.

Благотворительный фонд Инсан и органы опеки при администрации МО "Ногайский район" организовали праздник для детей-сирот разного возраста в развлекательных залах "Дисней", "Сакура" и "Токио", которые с радостью приняли своих необыкновенных гостей и угостили всякими вкусными угощениями.

Благотворительный фонд Инсан и органы опеки при администрации МО "Ногайский район" организовали праздник для детей-сирот разного возраста в развлекательных залах "Дисней", "Сакура" и "Токио", которые с радостью приняли своих необыкновенных гостей и угостили всякими вкусными угощениями.

В администрации Ногайского района 5 марта прошло аппаратное совещание, в ходе которого руководитель молодежного центра «Яслык» Сафар-Али Сарсеев отчитался о проведенной работе центра за 2017 год.

В мероприятии приняли участие глава Ногайского района Мухтарбий Аджеков, его заместители, председатель собрания депутатов Руслан Насыров.

Янъыларда «село Терекли-Мектеб» СП МО администрациясында орыс тилли район яшавшыларынынъ маьселелери бойынша комиссиясынынъ йыйыны болып озды.

Уллы Аталык согысынынъ катнасувшыларынынъ уныклары эм немерелери аьлиги заманда терроризм мен куьресип, эр борышын толтыраятып, касындагылардынъ рахатлы яшавы уьшин янларын бередилер. Эндиги олар янъы несиллерге коьрим эм уьлги боладылар. Бизим заманнынъ баьтири – Замир Акмурзаев, онынъ атын юриткен тувган школасынынъ окувшыларына– коьрим, ердеслерине, кардаш-тувганларына, окытувшыларына – оьктемлик. Замирдинъ эткен йигитлиги районымыздынъ яшавшыларынынъ баьрине де белгили. Ол Червленные Буруны авылында ерли полиция боьлигинде ислеген.

Статистика билдируьвлерине коьре, бизим элимизде уьйленуьв яктан белсенлик тоьменлей береди, аьеллерди эндиги коьбисинше 25-35 ясларында туьзедилер. Хыйлы яс аьдемлер уьйленмейдилер, олар ал деп «аякка турмага керек» деп санайдылар. Бу маьселеге ислам дини ягыннан эс беретаган болсак, Алладынъ Элшиси (ога Алла-Тааладан тынышлык эм разылык) булай деген: «Уьйленуьв деген ол меним йолым болады, ким сол йолдан кери тайса, ол меннен кери таяды». 

Баска бир хадисте: «Уьйленуьв – ол меним суьннем, ким меним йолымнан кери тайса, сол меннен кери таяды» (аль-Бухари, Муслим), – деп айтылады. Уьйленуьвдинъ маьнелиги акында артык билмеге суьйип, мен бир аьлимге, Кудай соьзин таралтувшыга янасып, ога бир неше соравлар бердим.

Биз язган сонъ __________________

Ызгы заманларда Терекли-Мектеб авылымыздынъ оьсуьви бизди куьезлендиреди. 1940-ншы йылларда район орталыгынынъ яшавшылар саны 700-ден бираз артык болган болса, буьгуьнлерде солардынъ саны 9 мынъга янаскан. Ол бек аьруьв сан, неге десе Терекли-Мектеб авылымыз ол баьри де ногайлардынъ ортак уьйи. Экиншилей, мунда тарих ягыннан бек маьнели эски меканлар бар. Солар аьли де ис учреждениелер мен организацияларынынъ меканлары болып кулланыладылар. Айтпага, аьлиги район суды, музей, полиция, УСХ, «Россельхозбанк» филиалы орынласкан уьйлер, Кадрия атындагы орта мектеби, онынъ янындагы эски поликлиникадынъ, алдынгы КПСС РК меканлары, Ф.Капельгородскийдинъ оьстирген паркы – булар бизим тарихимиз, туьнегуьнги яшавымыз. Оьткен 50-нши йылларда парк ишине бек ярасыклы культуралы оьсимликлер эгилген эди. Парк ишинде аьдемлерди сукландыратаган аллы-ясыл тереклер оьсип, ыспайы тотыгуслар, цецаркалар эркин юретаган эдилер.