Навруз айдынъ 6-да Миллетлер иси бойынша федераллык агентствосынынъ етекшиси Игорь Баринов ис аьрекети бойынша Дагестанда болып кетти. Дагестан еринде болувы ман Миллетлер иси бойынша федераллык агентствосынынъ етекшиси Елена Исинбаева атындагы «Труд» стадионында эртенги шагыннан оьткен «Савлайроссиялык миллетлер ара зарядкасы «Биз 18-нши навруз айында куьшли элди сайлаймыз!» деген акциясында катнасты. Онда, баска болып, белгили спортсменлер, ямагатлык аьрекетшилери де ортакшылык эттилер. Россия Президентин сайлав бойынша гражданларда электронлык белсенлигин коьтеруьв бу шарадынъ бас мырады эди. 

Яс сайлавшыларга каратылган Шакырув

Сыйлы яс сайлавшылар! 2018-нши йылдынъ 18-нши мартында Россия Федерация Президенти сайланаяк. Бизим баьримизге сондай сайлав этуьв керек: ол бизим оькиметимиздинъ армаган оьрленуьви уьшин бактылы болмага керек. Ол сайлавлар аьр яктан ойласылган эм шешилген болмага керек.

Бизим республика еринде сайлавшыларга тавыс беруьвде ортакшылык этуьв уьшин баьри керекли аьллер туьзилген.

Куьн сайын аьдемлер мен куллык этип келедилер Ногай районы бойынша Россия ОМВД-сынынъ миграционлык пунктынынъ куллыкшы-кызлары.

Мунда арымай-талмай, аьр бир керексинип келген аьдемнинъ соравына явап берип, тийисли борышларды Ногай районы бойынша Россия ОМВД-сынынъ миграционлык пунктынынъ етекшиси Гульзара Узбек кызы Картакаева куллыгын бардырады. Оны ман бирге сол тыныш болмаган исти тамада инспектор Лейла Аскерхан кызы Межитова эм инспектор Диана Юнус кызы Койлубаева бардырадылар. Олардынъ ис борышы – Россия Федерациясынынъ гражданларына паспортларды авыстырув, беруьв бойынша патшалык буйымларды толтырув. 

Эмма Юсуповна Уразакаева 24 йылдан бери Ногай районындагы Орталык больницасында медсестра болып ислейди. Ол Тверь каласында медучилищеде окыган, сонъ сосы калада оьзининъ ис аьрекетин баслаган, медицина куллыгынынъ сулыбын алып, Ногай районга кайткан.

Феруза Дикинова оьзининъ ис аьрекетин белсен бардыратаган хатынлардан. Буьгуьнги Хатын-кызлар байрамын ол наьсибине наьсип косылып йолыгады. Янъыларда Дагестан Республикасынынъ бас каласында болган коллегияда Феруза Курманали кызы Дикинова ДР Оькиметининъ Сый грамотасы ман савгаланды. 

Феруза Дикинова оьзининъ ис аьрекетин белсен бардыратаган хатынлардан. Буьгуьнги Хатын-кызлар байрамын ол наьсибине наьсип косылып йолыгады. Янъыларда Дагестан Республикасынынъ бас каласында болган коллегияда Феруза Курманали кызы Дикинова ДР Оькиметининъ Сый грамотасы ман савгаланды. 

Дагестанец Мухтар Амиров создал петицию с требованием остановить эксперименты с биологическим оружием на территории Российской Федерации.

Сый эм данък сизге, аявлы хатын-кызлар! _______________

Базарбийке Байрамешовна Абдулхаликовадынъ янында, тоьгерегинде – дайым балалар. Ол да солар ман бирге – ойында эм куьлкиде. 

Сый эм данък сизге, аявлы хатын-кызлар! _____________

Куьнбатар авылында Хаирниса Шомаровна Нурлыбаевадынъ (суьвретте) сый-абырайы кишкей тувыл. Ол, оьзининъ тувган авылына алал кыз болып, ерли мектебте де окып, ис аьрекетин де мунда бир неше йыллар узагында бардырып келеди. Ол Астрахань ериндеги медициналык окув ошагын да уьстинликли окып битирген. Сол окув йылларында сулыбын беркитер ниет пен ол каладынъ С.Киров атындагы эмлев уьйининъ балалар боьлигинде де куллык эткен. Соннан бери Хаирниса балалар ман байланыслы болып келеди. 

Буьгуьнлерде ол оьзининъ Куьнбатар авылынынъ балаларын эмлейди. Хаирнисады авыл ясуьйкенлери де, ясы кишкейлери де сыйлайдылар эм суьедилер. Алдымызда – Хатын-кызлар куьни. Язлык шакта яркыраган наьсипти, берк ден савлыкты сизге, Хаирниса, йораймыз.

Сый эм данък сизге, аявлы хатын-кызлар! __________________

«Насипхан бизди тек оьзининъ тыскы ярасыклыгы ман тувыл, янынынъ ярасыклыгы ман да оьзине каратады. Аьр кайсымыз бан да ол юмсак соьйлейди, яны авырып коьмегин этеди. Биз, эсли аьдемлер, оьзек те, тез оькпелеймиз, баьри зат бизге авыр да болып коьринеди, аьр биримиздинъ – оьз касиети, Насипхан болса аьр кайсымыздынъ эбин тавып, куьлемсиреп, коьнъилимизди коьтерип болады. Аьне сондай аьдемлер бизим яшавды, авылымызды ярасыклайдылар демеге болады», – дейдилер Насипхан Мауталиевна Бийболатовадынъ акында Батыр-Мурза авылынынъ социаллык буйымлары ман канагатланатаган яшавшылары. Насипхан социаллык куллыкшысы болып 23 йылдан бери ислейди. Ийги иси уьшин Сый грамоталар ман савгаланган. Район Сый тактасында онынъ суьврети ярасыкланган.

Келеяткан Хатын-кызлар байрамы ман Насипханды кутлаймыз, ден савлык, куллыгында тагы да уьйкен уьстинликлерге етискенди йораймыз.

Суьвретте: Н.Бийболатова.