Окытувшы – ол алдынгы заманларда энъ де сыйлы аьдемлердинъ, кеспилердинъ бириси эди. Окытувшы дайым ийги уьлги де болатаган эди. Ол аьдемнинъ бир осал нышаны да коьринмейтаган болган. Тек заманлар оьтедилер, аьдемлердинъ касиетлери де туьрленеди, соны ман бирге аьдемлердинъ катнаслары да баска болган. Сол катнаслар кайдай экенин аьр биримиз оьзимизше коьремиз.
Уллы Аталык согыс йылларында совет тылында да аз куллыклар элимиз уьшин этилмеген. Буьгуьнлерде сога да уьйкен эс этиледи.
Окытувшыларымыз алдында бизим борышымыз уьйкен. Олардынъ сыйлы кыйыны кайзаманда да бийикликте болган. Олардынъ акында шаирлер ятлавлар язадылар, окувшылар аркадан-аркага оларды эслеринде тутып келедилер.
Разылык соьзимиз __________________
Тувган ногай тилимиздеги республикалык «Шоьл тавысы» газетасы аьли 86 йылдан бери дуныя ярыгына шыгып келеди. Онынъ сол шаклы йыллар шыгувына бас деп алал окувшыларымыз – бизим авылдасларымыздынъ, ис коллективлерининъ газетага язылувы уьйкен себеп болады. Газета да оьз ягыннан оьзининъ аьр бир номеринде ата юртымыз – Ногай районы эм онынъ аьдемлери, республика бойынша коьп янъылыклар, халкымыздынъ тарихи, адабиаты, маданияты эм онынъ белгили ваькиллери акында таймастан язып келеди. Кыскаша айтканда, газета – халк уьшин, халк – газета уьшин деген шакырув астында куллык этемиз.
«Ногайский район» МО администрациясынынъ аькимбасы Мухтарбий Аджеков элимизде Ясы етпегенлер ислери эм олардынъ ыхтыярларын коршалав бойынша комиссиялары акында декрет шыкканлы 100 йыл толганы акында айта келип, соьзди район администрациясынынъ ясы етпегенлер ислери бойынша комиссиясынынъ председателининъ орынбасары Зухра Аджиманбетовага берди.
18-нши март – РФ Президентин сайлавлар куьни_____________________
2018-нши йылдынъ 18-нши мартында Россия Федерация Президентин сайлавлар оьтеек. РФ Конституциясы ман келисте оькимет аькимбасы алты йыллык болжалга ортак аьлде ясыртын тавыс беруьв мен сайланады.
Янъыларда Ногай район орталыгы Терекли-Мектебте 1942-43-нши йылларда Сырт Кавказ уьшин юритилген согыслардынъ 75 йыллык сыйына багысланган автоювырувдынъ катнасувшылары конакта болдылар.
Республика Аькимбасы ______________________
Дагестан Аькимбасынынъ куллыгын юритуьвши Владимир Васильев канътар айдынъ 13-нши куьнинде республикамыздынъ коьлем информация амалларынынъ ваькиллери мен коьристи. Махачкала каласында Дослык уьйинде баспа, электрон, телевидение органларынынъ етекшилери йыйналдылар. Келген конакларды хош алып, оларды кеспи байрамы ман кутлай берип, республика басшысы аьлиги заманда Дагестанда болаятырган туьрленислерге СМИ оьз уьлисин косатаганын белгиледи.
Узактагы коьп йыллар артта Орта-Тоьбе авылыннан ногай яс Юсуп Насыров, савлай Эл мен бирге согыста катнасып, сонда каты яраланып, Астрахань каласынынъ госпиталине туьседи. Сонда яраланганларды эмлевге оьз коьмегин тийгистетаган татар миллетли ярасыклы кыз бан танысады.
Мереке________________
Таныс аьдемнинъ акында кайзаманда да язбага тыныш. Онынъ касиетин, кайдай аьдем экенин билсенъ, окувшыларга да оьз сезимлеринъди еткермеге боласынъ. Мен де буьгуьн Межитова Альмира Куруптурсуновна акында сизге айтпага суьемен десем, биревлер куьлемсиреп, сол соьзлеримди окыр деп ойлайман, неге десе район бойынша бу кыскаяклыды танымайтаганлар аз болса ярайды. Болса да, ясуьйкенлер Альмира-абайды кайтадан эсине алып, яслар онынъ яшав йолын билип, коьрим алсын деген ниет пен оьз хабарымды бардыраман.
Зумруд Исаева Кумлы авылында тувып-оьскен. Оны авылда ясуьйкен де, кишкей де сыйлап биледи. Авыл яшавшылары атыннан онынъ акында коьп йылы соьзлер эситпеге болады. Не зат уьшин экен деп сорарсыз? Онынъ ашык касиети, аьдемлерге яхшылык этпеге аьзир болувы, куллыксуьерлиги, аьдемшилиги онынъ сайлаган кесписине келиседи.
