Янъыларда Кизляр районынынъ Нововладимировка авылында оьткен сходта район аькимбасы А.Погорелов, администрация ЖКХ, архитектура эм курылыс боьлигининъ етекшиси В.Старчак, Кизляр районынынъ илми эм халк билимлендируьвининъ профсоюз куллыкшылар организациясынынъ председатели Т.Имартов ортакшылык эттилер.
Янъыларда Кизляр каладынъ балалар бавынынъ тербиялавшысы ногай Уланбийке Толеген кызы Мурзаева 2-нши дережели дипломына тийисли болды. Тербиялавшы «Россия тербиялавшысы» деген ярыстынъ республика бойынша кезегин етимисли оьтип, Савлайроссиялык ярысынынъ енъуьвшиси болды. Кизляр районынынъ мэри А.Шувалов 7-нши декабрьде «Радуга» балалар бавынынъ тербиялавшысы Уланбийке Мурзаева ман йолыгысып, Москва каласында оьткен «Россия тербиялавшысы» деген III Савлайроссиялык ярысынынъ катнасувшысын енъуьви мен кутлады. Кизляр каласынынъ мэри енъуьвдинъ айырым маьнеси эм белгиси акында айтты. – Бу тек федераллык оьлшемде казанган йогары кеспилик специалистине тувыл, балалар бавынынъ куллыкшылары, каладынъ педагогикалык ямагатлыгы уьшин де савга болады. Сиз, элимиз оьлшеминде тек оьз учреждениенъизди, каланъызды тувыл, республикамызды да тийисли коьрсеттинъиз.
Бу йылдынъ декабрь айдынъ 3-нде Калинин авылдынъ С.И.Капаев атындагы мектебинде Ногай районынынъ баьтир ясы Эльдар Аджигельдиевтинъ 45 йыллык мерекесине багысланган шара уйгынланып озды. «Сен дайым да бизим эсимизде» деген шарады мектебтинъ китапхана куллыкшысы Гульжаминат Кусеп кызы Янгазиева юритти. Бас деп, шара юритуьвши бизим баьтир увылымыз Эльдар Аджигельдиев акында толы хабарлады. Йыйылганлар бир такыйка уьндемей турып, баьтиримизди эске алдылар.
Халкымыздынъ, районымыздынъ атын-данъкын шыгарган йигитлердинъ арасында «Червленные буруны» йыныслы койлар оьстируьвши патшалык заводынынъ бас койшысы Камо Баймурзаевич Сабутов айырым орынды тутады.
Россиядынъ патшалык эм согыс аьрекетшиси Магомед Гусейнович Баачилов 1962-нши йылдынъ 23-нши ноябринде Дагестан АССР-нынъ Чародин районынынъ Мугухур авылында тувган. Кишкей Магомед 5 ясына толганда, онынъ аьели Махачкалага коьшеди. Бир йылдан сонъ ол Махачкаладынъ 38-нши номерли школасында билим алып баслайды. Школады кутарганнан сонъ, М. Баачилов «Дагрыбпром» производстволык биргелесте слесарь-наладчик болып ислейди. 1984-нши йылдан алып, Гражданлык авиациясынынъ Троицкий авиационный-технический училищеди тамамлап, Махачкаладагы летный отрядтынъ техниги болып куллык этеди.
Конференция________________________________
Оьткен уллы юма куьн район маданият уьйинде «Ямагаттынъ эдаплык эм социаллык онъайлыгы: маьселелер, борышлар эм оларды шешуьв йоллары» деп аталып конференция озгарылды. Конференцияда савлай район учреждениелерининъ куллыкшылары, власть ваькиллери, ямагат организацияларынынъ етекшилери эм оьсип келеяткан несилдинъ, районымыздынъ онъайлыгы уьшин яны авырыйтаган аьдемлер катнастылар. Эдап темасына багысланган конференцияда коьп маьнели соравлар каралдылар. Аьр бириси бойынша эртеректен белгиленген аьдемлер соьйледилер. Конференцияды С.Абубекерова ашты эм биринши соьзди «Ногайский район» МО администрациясынынъ аькимбасы Мухтарбий Аджековка берди. Ол йыйылганлар алдына шыгып, бизим районымыз бойынша яслардынъ тербиясы, олардынъ куьндегилик яшавлары акында айтып кетти. Ол соьзинде ясларымыздынъ Сирия элине кетуьви, олардынъ карак туьркимлер сыраларына кируьвлери акында билдирди эм оькинишке, сол бизим куьнамизден тура да болатаганын айтты.
Россия казначействолар куьни_______________________
Дагестан Республика бойынша Федераллык казначейство управлениесининъ Ногай районы бойынша боьлиги 8-нши декабрьде Россия казначействосынынъ туьзилуьв куьнин белгиледи. Онда терен билимли, оьз исине алал куллыкшылар оьз косымын этип келедилер.
Янъыларда Калинин авылындагы С.И.Капаев атындагы мектебинде завучлар семинары уйгынланып оьтти. Онда Ногай районынынъ баьри мектеблер етекшилерининъ уйгынлав иси бойынша завучлары ортакшылык эттилер. Семинарды мектеб етекшисининъ уйгынлав иси бойынша завучы Нарбике Ашим кызы Джумагельдиева эм аьр бир класс етекшилери туьзилген программа бойынша юриттилер. «Янъы заман. Балаларды тербиялавда янъы йолларды табув» деген семинардынъ темасына коьре аьр бир класста класс саьатлери озгарылдылар.
Янъыларда Махачкала каласында Аьскерлер камырында 1943-нши йылда Ленинград областинде ян берген совет аьскерши, дагестаншы Мухаммед Казбековтынъ мейитин коьмуьв шарасы озды. Шарада ДР Аькимбасынынъ куллыгын юритуьвши Владимир Васильев, Дагестан Халк Йыйынынынъ спикери Хизри Шихсаидов, республика Оькиметининъ председателининъ куллыгын юритуьвши Абдусамад Гамидов, ДР Оькиметининъ эм Аькимбасынынъ Администрациясынынъ етекшиси Владимир Иванов, республика муфтийи Ахмад-хаджи Абдулаев, министерстволар эм ведомстволар етекшилери, депутат корпусынынъ агзалары катнастылар.
Бу айдынъ басында Дагестан Республикасынынъ Аькимбасынынъ куллыгын юритуьвши Владимир Васильев Россия Президенти Владимир Путин мен йолыгысып, оьз аьрекети эм ол басшылайтаган регионда социаллык-экономикалык аьллери акында хабарлады. Бириншилей, республика басшысы Владимир Путинге дагестаншылардан исси салам айтты эм олар, республикага кыйынлы заманлар туьскенде, элимиздинъ басшысы келгенин эсинде саклайтаганын билдирди.
