2016-ншы йыл кайбиримиздинъ де эсимизде ийги эскеруьвлер мен байлысныслы болып сакланды. Кайзаманда да саьбийлердинъ тувганы, яс аьеллер курылганы яшавымызга куьез косып келеди.

«Ногайский район» МО администрация ЗАГС боьлиги мен 272 саьбийлердинъ тувганы регистрацияланды. Олардынъ 126 кеделер, 147 кызлар боладылар. Бу йыл ишинде ата-аналар, коьбисинше, кеде тувса Амир, Мухаммад, Карим, Султан, Ислам, Алим, кыз тувса Аиша, Самира, Сафия, Хадиджа, Малика деген атларды бердилер. Арада бир расатаган, ярасык Хамза, Сулим, Сухайрат, Аниса деген атлары ман да атадылар. Кайбир заманларда кызларга айтпага, Арувзат, Абубекир, Айшат, Увылхан деген ногай атларын да атаганлар болдылар. Бу йыл ишинде 114 аьеллери курылган. Биринши кере 91аьел, кайтаралап 10 косаклар регистрацияланганлар. 18-24 ясларында 32 эр аьдемлер эм 78 кыскаяклылар, 25-34 ясларында 68 эр аьдемлер эм 28 кыскаяклылар аьел курганлар. 66 балаларга атасынынъ аты берилген. 3 саьбийлер ата-аналы, аьелли болдылар. Оьз атын, тукымын 6 аьдемлер авыстырганлар. Келеек йылда аьли де коьп саьбийлер тувып, коьплеген яс аьеллер курылып яшавымыз онъланып бараягына сенимлик этемиз.

Суьвретте: «Ногайский район» МО администрация ЗАГС боьлигининъ етекшиси Б.Ярикбаева.

Ызгы он йыллардан бери элимизде аьр бир йыл бир маьселеге, тармакка багысланады. Солай ок янъы 2017-нши йыл Россияда экология эм айырым сакланатаган табиат ерлеринининъ (ООПТ) йылы деп белгиленген. Озган 2016-нши йылдынъ 5-нши январинде Россия Президенти Владимир Путин «2017-нши йылда Экология йылын озгарув акында» деген Указга кол баскан. Экология йылын озгарув бойынша комитетининъ председатели этип президенттинъ администрациясынынъ басы Сергей Иванов беркитилген.

Элимизде, савлай дуныяда экология аьллери аьруьв аьлде тувыл. Йылдан-йылга сувлар кирленеди, тереклердинъ саны азаяды, авадынъ эбиннен артык исси болувы ман байланыста сырттагы уллы бузлар ирийдилер….Экологиялык маьселелер куьннен-куьнге коьп эм оьткир боладылар. Бек уьйкен сенимлер этиледи 2017-нши –Экология эм айырым сакланатаган табиат ерлерининъ йылына. Бу йылга озгарылаяк экология бойынша шаралардынъ планы туьзилген. Олар 168 халкларара, савлайроссиялык, регионаллык оьлшемдеги шаралар. Экология соравларын карар эм аьдемлер арасында экология маданиятын коьтерер уьшин бир неше уллы форумлар, слетлар озгарылаяк. 5 айырым сакланатаган табиат ерлер курылаяк. Айтпага, «Ладожские шхеры» карель табиат паркы, «Сенгилеевские горы» ульянов табиат паркы эм баскалар.

Н.Кожаева.

Именно предстоящим событиям и было посвящено сегодняшнее совещание Главы МО"Ногайский район" Казмагомеда Зейнадиновича с руководителями структурных подразделений,главами сельских поселений района и лидерами общественных организаций. - Выставка священных реликвий Пророка (мир ему и благословение )в нашем районе – это великая честь и большая ответственность, которая ложится на всех нас. Необходимо максимально подготовиться к предстоящим мероприятиям. Все должно пройти на высшем уровне. Без каких - либо помех. - По словам Главы района, выставка реликвий – это не только получение бараката и благодати, но и профилактика экстремизма и радикальных течений в районе. - Стоит отметить, что подготовительные работы по проведению выставки были начаты еще на прошлой неделе. Так, совместными усилиями духовенства, жителей района и администрации Ногайского района, в первых числах декабря , был организован масштабный субботник. В первую очередь была расчищена территория Спорткомплекса с Терекли-Мектеб, где собственно и будут размещены священные реликвии. Здесь работа кипит и по сей день: шьют покрывала, занавеси, оформляют красочно спортивный зал, наводят чистоту.Отдельно выделена территория под стоянку, дабы избежать столпотворений и пробок на центральных улицах района. - Глава района Казмагомед Зейнадинович лично распорядился в короткие сроки благоустроить улицу до зиярата, которую посетят многочисленные гости и жители района. - Напомним, что с 22 по 25 декабря 2016 года, в Спорткомплексе с Терекли-Мектеб пройдет выставка священных реликвий Пророка.(мир ему и благословение )

Байбике Нугмановна Даутовады окытувшылык тармагында танымайтаган аьдемлер аз деп айтсам, буьгуьнлерде соьзим оьтирик болмас.

1978-нши йыл Терекли-Мектеб авыл орта школасын битирип, кызалак Дагестан патшалык педагогикалык факультетине туьседи. Окытувшы кесписин сайлавдынъ да себеби йок тувыл.

- Меним анам мени окытувшы болганымды суьетаган эди. Оькинишке, ол коьрмеди, меним окувгы туьсип, кеспиди байырлаганымды, - деп хабарлайды кыскаяклы.

Мине 33 йылдан бери Байбийке Нугмановна анасынынъ оьсиетин ерге туьсирмей, балаларды орыс тили эм адабиатына уьйретеди.

Яс специалист 12 йыл узагында Шешен Республикасында Курдюковская станицасында окытувшы болып ислейди. 1993-нши йылдан алып бизим районда куллык этеди, ол Кара-Сув авыл орта школасында окытув-тербиялав иси бойынша директордынъ орынбасары болып ислейди. Эри Аскерхан Даутов пан уьш аьвлет оьстирдилер, буьгуьнлерде олардынъ 4 уныгы эм эки йиени бар.

Оьз аьвлетлерин уьйкен йолга салып, буьгуьнлерде Байбийке Нугмановна юрегин де, янын окувшыларга берип яшайды. Оьктемлик пен хабарлайды окытувшы коллективи акында, тыпаклык эм бир-бирисине коьмек этип, тирев болув сезими оларда бас орында. Яслар оннан коьрим аладылар, тапшыпмаларын ерге туьсирмей толтырадылар.

Байбике Нугмановна «ДР халк билимлендируьв отличниги» деген атты казанган. Янъыларда окытувшы «РФ ортак билимлендируьв сыйлы окытувшысы» деген атка тийисли болды. Соьйтип, келеяткан Янъы йылды уьстинликлер мен карсы алады талаплы окытувшы.

Г.Бекмуратова.

Суьвретте: Б.Даутова.

Аьр бир оьтип кеткен йыл тарихке оьз белгилери мен, оьзгерислери мен киреди. Аьр биримиздинъ яшавымызда да оьтип кеткен йыл бир белгилер мен – аьруьв болса да, яман болса да, эсимизде сакланады.

А-Х.Джанибеков атындагы школасынынъ яркыраган юдызы, ярасык кызы, окувшысы Айлин Аджиевага бу йыл бек ийги йылларынынъ бириси болып калаягына шек йок. Элбетте, онынъ яркын яшавы аьли де алды да.

Ол бу оьтип баратаган йыл ногай халкымыздынъ маданиятынынъ оьрленуьвине оьз косымын этти. Ол Москва каласында «Россия халкларынынъ этномаданиятынынъ оьрленуьви эм россия миллетлерининъ бирлигин беркитуьв» целевой программасы бойынша озгарылган шарада катнасып, биринши орынды алган.

Айлин спорт тармагында да бу йыл уьстинликлерге етискен.

 Баьри тармакларда да етимислер болдылар. Билимлендируьв тармагында Нариман авыл орта школасынынъ ногай тилден окытувшысы Насипхан Заурбековна Джумаева оьзининъ уьстинликлери мен бизди суьйинтти. Ол Москва каласында Россия халкларынынъ тилин, маданиятын саклар, оьрлендирер мырад пан уйгынланып озгарылатаган тувган тил сабагыннан октувшылардынъ савлайроссиялык мастер-классында катнасып, савгалы экинши орынды алган.

TEST TEST TEST TEST TEST