Эл, халк аьжейип ярасыклы болады, эгер онынъ зейинли шаирлери коьп болса. Ногай шоьли – акыйкатлай да аьлемет ярасык эл. Онда авызларына Кудай туькирген шебер тилли, толы айдай акыл толы, манълайлары бийик шаирлер аз тувыл. Солардынъ энъ биринши сырасында Утеш улы Куруптурсын Мамбетов болады деп билемен. Онынъ калемининъ ушыннан алтын сыя ман язылгандай сыдыралар йыйы шыгадылар.