20-ншы канътар айында Махачкалада ДАССР курылганлы 100 йыллыгына багысланган байрам шаралары оьткен.
Новость на родном
Маразга карсы ийне урылады
Сав элдегиндей болып, Дагестан Республикасында да COVID-19 маразына карсы ийне урув ислери юритиледи. Иммунизация ислери эки кезек пен бардырылады, олай дегени, коронавируска карсы ийне сугылган аьдемге 21 куьннен сонъ, тагы да бир кере ийне урылады. Буьгуьнлерде республикада 622 аьдемге бу юкпалы маразга карсы ийне сугылган.
Новость на родном
Асият Кумратова Дагестан Республикасынынъ Сый грамотасы ман савгаланды
Белгили ногай йырлавшымыз, РФ эм ДР Халк артисткасы, «Дагестан патшалык опера эм балет театры» ДР патшалык бюджет учреждениесининъ 1-нши категориялы хор артисткасы Асият Сулейман кызы Кумратовады ДАССР курылганлы 100 йыллыгы ман байланыста, Дагестан Республикасы алдында айырым етимислери, етискен ис уьстинликлери эм белсенли ямагат аьрекети уьшин ДР Аькимбасынынъ куллыгын кесек заманга юритуьвши Сергей Меликовтынъ Указы ман...
Новость на родном
Йигерли яслар сырасыннан
Студент йыллар – аьр кимнинъ яшавында янына якын эм мутылмас шак болады. Бу яркын заманында яслар билимлер алув уьстинде арымай-талмай ислемеге де, тенълери мен катнаспага да, дуныяда болган баьри затлар ман кызыксынмага да куьш те, заман да табадылар.
Новость на родном
Бир неше оьмирлерге тенъ болгандай заман кесеги
Дагестаннынъ республика кебинде туьзилуьвине 100 йыл толып туры. Ол сав бир уьйкен оьмир, бир неше несиллердинъ яшав эм ис аьрекети, коьп эстеликли оьзгерислерге, кайратлы ислерге, йигитликке, етимислерге толы тарих кесеги. Дагестан Республикасы оьзининъ юзйыллык йолында бир неше оьмирлерге тенъ болган заман вакытын оьткен эм танымастай туьрленген.
Новость на родном
Ногай ясларын ярыкландырувда уьлиси уьйкен
Муса Курманали увылы Курманалиевтинъ сав яшавы эм кыйыны Тувган Эли эм шоьлдеги уьйкен тарихи мен, бай тили мен ногай халкынынъ келеектеги яшавы акында каьр шегуьв эди. Муса Курманалиевтинъ ярыкландырувшылык куллыгынынъ бир кесеги – ол Кизляр каладагы педучилищесинде Ногай боьлигин аштырув эм сонда оьз миллетининъ окытувшы кадрларын аьзирлев эди. Сонъында уллы ярыкландырувшыдынъ окувшылары Ногай шоьллигиндеги авылларда...
Новость на родном
Ят ерге келип, оьзиндики болды
Ногай шоьли! Онынъ тарихи де, оьрленуьв йолы да кыйынлы эм кызыклы. Ногай районы оьзининъ тоьгерегинде кайсы область бар, сонынъ туьзилисинде болып шыккан десек те оьтирик болмаяк. Бир заманларда Грозный областининъ туьзилисинде, баска заман Ставрополь крайынынъ туьзилисинде де болмага туьсти. Сол да бир политика эм «темир каьпиктинъ» аргы ягы, аьли соьз онынъ акында тувыл. Кайдай туьрли...
Новость на родном
Мереке шатлыклы белгиленди
Туьнегуьн, республикада Дагестан АССР туьзилгенли 100 йыллыгына багысланган шатлыклы байрам шаралары болып оьткенлер. Соларда ДР Аькимбасынынъ кесек заманга исин юритуьвши Сергей Меликов эм шакырылган сыйлы конаклар катнасканлар.
Новость на родном
2021-нши йылдагы байрам куьнлери
РФ Ис эм социаллык оьрленуьв ми- нистерствосы янъы 2021-нши йылдагы байрам куьнлерининъ календарин аьзирлеген. Министерствода билдиргенлей, тыншаюв куьнлерининъ янъыртылган графиги организациялардынъ эм гражданлардынъ туьрли туьркимлерининъ кызыксынувларын эсапка алув негизинде туьзилген.
Новость на родном
Куьна тек коьлик айдавшыда тувыл
Россия Федерациясы бойынша йолда болатаган кавыфлыклардынъ статистикасына караганда уьйкен аьдемлердей болып, балалар да йол-юрис йорыклары бузылувда куьнали болып шыгадылар. Боьтен де, балалар кыйынлы аьллерге окувдан тыншаюв куьнлерде каладылар, неге десе олар сол шакларда оьз-оьзлерининъ каьрлерин шегип, ата-аналары куллыкта болган заманларда, юредилер.
