Мен тийисли тыншаювга шыгып, коьп пенсионерлердей болып яшав оьмиримди куьремен. Коьбисинше заманымды уьйшиликте озгараман, ямагат арасында да коьп болмайман, оьзимдегилердей пенсионерлер мен де тар катнаслыгым йок. Ама бирерде азык-туьлик алув уьшин туькенге бармага туьседи.
Вакцинация – ол коронавирус яйылув маразын оьрленип барувын токтатув уьшин энъ пайдалы амал болады, деп боьлиседи оьз ойы ман Терекли-Мектеб авылынынъ Кадрия атындагы орта мектебининъ педагог-психологы Эльмира Еналиевна Аджимуллаева:
Коронавируслы юкпалы маразына карсы вакцинация муннан да эрте шыгарылган болган болса экен деп, мен аьли ойлайман. Мен эртеректен прививка эттирип, авыр мараздынъ азабын шеккенлер сырасында болмас эдим. Бек кыйын болады, ювык аьдемлерим уьшин тынышсызланувымды соьзлер мен айтып билдирмеге. «Белки олар куьшли авырып койсалар ша, белки мараз оларда меникиндей енъил оьтпесе ше?» – деп мен коьп...
«Шоьл тавысы» газетадынъ бетлеринде янъы коронавируслы инфекция ман авырыган аьдемлердинъ оьз ойлары баспаланып турады. Буьгуьн биз МГИМО алдышы илми куллыкшысы Ахмет Ярлыкаповтынъ Фейсбукте язган билдируьви мен боьлиспеге суьемиз. Онынъ айтувына коьре, коронавируслы мараз ога ямагат транспортта коьшкен.
Мен – педагогикалык исининъ ветераны. А.Ш.Джанибеков атындагы орта мектебинде мине коьплеген йыллар узагында балаларга тербия эм билимлер беруьв мен каьрлеймен. Куьн сайын бизим коьп санлы мектеб окувшылары ман, олардынъ ата-аналары ман, бирерде атай-тетейлер мен расып, аьллеспеге туьседи. Сонынъ уьшин тоьгеректе бу кавыфлы маразынынъ тамырлары яйылув аьллерде бас деп оьзимнинъ ден савлыгым акында ойладым.
Коронавируслы инфекциядан прививкады мен 2021-нши йылдынъ март айында эттирдим эм эндигиси ревакцинация процедурасын оьтпеге ниетленемен. Мен, соьзсиз де, бизим официаллык медицинага сенемен, сонынъ уьшин менде вакцинацияды оьтпеге керекпе деген сорав тувмаган. Квалификациясыз билдируьв негизинде кепленген ялган шекленуьвлерге эм коркувга берилетаганлар бар экенин анълап, кайгырмай да болмайсынъ.
Мага ис аьрекетиме коьре коьп аьдемлер мен аьллеспеге туьседи. Булай да ата-бабаларымыздан несилден-несилге коьширилип сакланатаган аьдетлеримизге коьре коьлем аьдемлер катнасувы ман оьтетаган туьрли кайгылы( яназы, дуваслар…) эм куванышлы ( тойлар, мерекели яхшылыклар…) оьзгерислерде боламыз. Эм пандемия ман байланыста туьзилген авыр эпидемиялык аьлде аьр аьдем оьзининъ бас байлыгы – ден савлыгын сакламага керек экенин аян анълайсынъ.
Бу куьнлерде элимизде коронавируслы юкпалы маразы бойынша аьллер осалланадылар. Авырув аянланган биринши куьнлерде савлай дуныя аьдемлери адалады. Кыйын аьллер болса да, тез арада коьп госпитальлер курылдылар, врачлар «кызыл зонада» колыннан келгенин этип, келмегенди де этпеге шалыстылар.
Дагестан Республикасынынъ Аькимбасы Сергей Меликов оьткен юмада коронавируслы маразга карсы турув оперативли штабынынъ йыйынында билимлендируьв учреждениелеринде дистанционлы окув кебин киргистуьв бизим республикамызда болмага керек тувыл деген ойын билдирген. Сол тема бойынша «Шоьл тавысы» республикалык газетасынынъ куллыкшысы Г.Сагиндиковага А-Х.Джанибеков атындагы мектебининъ етекшиси Курасхан Джумагельди кызы Ярикбаева оьз ойын билдирген.
«Американ аьлимлерининъ билдируьви мен, грипптинъ 1918-нши йылда болганга усаслы янъы пандемиясы COVID-19 маразыннан да куьшли болаяк. Дуныя ога аьзир тувыл: бизде аьлиги вакциналар йок, а орта эм тоьмен келимли эллер кайдай да болсын вакциналарды сийрек болдырадылар, бай эллердинъ бойсынувы астына туьсип. Аьлиги орын тапкан аьллерде грипп вирусынынъ аьдем яшавына кавыфлы бу кеби ер юзининъ 33...
