Сени сахнада коьрсек – уьйкен байрам

     Ол сахнага шыкканда, каравшылардынъ коьнъиллери коьтериледи. Бурлиянт оьзине сенилген баьри рольлерди де усташа ойнайды, аьр бирисин оьзининъ юрегиннен оьткерип, аьр бир бактыды оьзиндики мен байланыстырады.

     Янъыларда Бурлиянт Сагынбек кызы Нургишиева оьзине тийисли Дагестан Республикасынынъ Указы ман «Дагестан Республикасынынъ ат казанган артисти» деген атты алган.

     Биз Бурлиянт Нургишиевады ак юректен сондай сыйлы атты алувы ман кутлаймыз, сенинъ сахнага шыгувынъ уьйкен байрам ман тенъ, исинъизде аьли де йогары уьстинликлерди йораймыз!

Г.Сагиндикова.
Суьвретте: Б.Нургишиева.